بعض البنات اللي ماترشحوا...اقولهم وصلت فيكم المواصيل تسذا؟ استغفر الله العظيم ..

هلا وغلا بنات حواء...

بااختصار:

انا من امس اقراء ان بعض البنات ماطلعت ارقامهم ولاترشحوا.... ترى انا ماترشحت ولاطلع رقمي ومحتاااااااااجه للوظيفه.....


بس اللي انصدمت منه...
بعض البنات يكتبون مواضيع وردود يقولون اللي بوظفنا راح اعطيه مبلغ من المال.....

ادفع له اللي يبي بس يوظفني......
استغفر الله العظيم واتوب اليه....وش هذا؟؟؟؟؟

هذي تعتبر رشوه؟ نعم رشوه....

والله لعن الراشي والمرتشي....
يعني تبين ربي يلعنتس...؟؟؟


اموت وافهم ان همتس تتوظفين باي طريقه حتى لو بالحرام؟؟؟؟؟؟

لا لا مومصدقه يااخواتي....
يعني مافكرتي بربي....؟؟؟

اهم شي عندتس الفلوس مهما كانت حلال او حرام...


ليه تبين تعيشين ع حرام بها الدنياء.....؟؟

اموت وافهم عادي عندتس تاكلين وتشربين وتلبسين وتتصدقين وتروحين وتجين من مال حرام...؟؟؟

عادي عندتس؟؟؟

والله الذي لااله الاهو لو تجيني الوظيفه من الديوان ويقولون لي بس عطينا مبلغ لو بسيط والله وبالله وتالله لاارفض......

لاتقولين لي يمكن مو محتاجه......الا محتاجه وربي يعلم فيني....

اخرتها اليوم بكيت من القهر....وحده من خواتي رحت معها السوق وشفت شي وكان خاطري فيه وقلت لها اشتري لي...وهي ماشاء الله عندها راتب... قلت لها بس زيدي لي 200 ومع ذلك صرفتني.... الموقف صار العام...والي يومكم هذا واخرتها امس دقت على اختي الثانيه...وقالت لها ان لمسه دفى اللي هي انا.... شحذتني ذيك المره....... تمنيت اني ماطلبتها ....وتمنيت ان عندي راتب اشتري لي اللي ابيه ولااحد يمن علي......

ومع ذلك لو تجيني وظيفه مقابل اني ادفع والله لاارفضها عشان ربي......والله خوف من الله وعشان رضاه برفضها.....


يااخواتي ترى الدنياء زايله... ماراح ينفعنا الا العمل الصالح.....لاديوان ولاغيره بينفعونا....

صح ان رقمي ماطلع...بس الله حي وكريم مايموت....ورزقي عليه....


الله اعلى من اللي في الديوان شان وقوه ...

يااختي لاتغضبين ربي عشان فلوس تروح وتجي....

مردي ومردتس لقبر متر في متر....

اتقوا الله.....فكوكم من الحرام وش لكم به....

الرسول صلى الله عليه وسلم يقول فيما معنى الحديث..: كل جسد نبت من سحت فالنار اولى به....


يااختي اتقي الله بروحتس...

السعاده ترى وانا اختس مو بالمال....السعاده الحقيقيه بالعمل الصالح والتقرب لله....

شوفوا بعض الفنانين والفنانات...يالله لاتبلانا...

فنانه خليجيه تتقول بروح لبيروت لان عندي اكتئاب يالله لاتبلانا...

وهي تلبس افخم الساعات والماركات....والماس قطع ارقبتها....ومن لندن لروما لباريس....ومع ذلك تدور السعاده....يالله لاتبلانا.....

لاتبعين ضميرتس يااختي عشان فلوس تروح وتجي.... لاتخلين ابليس وربعه يتحكمون فيتس....


عندتس فلوس زايده تصدقي فيها بدال ماتدفعينها رشوه.....
يمكن لو كفلتي يتيم وتصدقتي بها المبلغ وتوبتي لله يمكن ربي يرزقتس بشي ماتوقعتيه شي يغنيتس عن الديوان وخرابيطه......








يااختي اتقي الله .....
توبي لله من هالشي...هذي معصيه.......تكتبن موضوع وتردين وتطلبين الناس توظفتس مقابل مبلغ....يمكن وحده قرت موضوعتس وردك وراح تسوي مثل ماسويتي.....وتتحملين وزرها..........




اتوكلي على الله....


الله رزق هاجر بماي وهي بوسط صحراء...والماي هذا افضل ماي الى وقتس هذا...... وهي كانت بوسط صحراء....


ورزق مريم بولد من غير زوج..........
ورزق زكريا بيحيى....




توكلي على الله........

يوم انتس تطلبين الناس توظفتس مقابل مبلغ... ليه قطعتي املتس بالله وطلبتي هالناس؟؟؟؟؟





الله رفع السموات السبع من دون عمد....وبسط 7 اراضين من دون سند....

يحيي العظام وهي رميم....ويحي الارض بعد موتها..... مافي شي يعجزه لابالارض ولابالسماء.....


النبي يعقوب يوم قالوا له اولاده ان يوسف اكله الذيب..........مرت سنين وسنين ومع ذلك كان ثقته بالله قويه ماقال ولدي مات.......ثقته بربي قوووويه...وسبحان الله ربي رد له يوسف وهو ملك على خزائن مصر....

سبحان الله.......







يااختي توبي لله من هالحركه اللي تدفعين مبلغ...واستغفري الله واتوكلي عليه.........وبااذن الله ربي يرزقني ويرزقكم
....قولوا امين....


ادعوا لي اتزوج واتوظف قريب.....