أرد لكم بالجزء الثاني من الحلويات الرومانسيه
الاول كان قبل سنه فيه افكار حلوه و بسيطه .. مثل الصور الي انا حاطتها فوق ..
و الاهم انها بسيطه و سهله و رخيصه
اقل شي تلاقين كيكات قلب الحب على 12 و طالع
فالحل يكون عندج قوالب مناسبه و قطاعات و حياج طبقي معاي
تشيز كيك بالكاكاو الابيض
المقادير
كوب فتات البسكوت سواء اوريو او دايجتسيف مطحون
3 ملاعق كبيره سكر
ربع كوب زبده سايحه
فراوله و توت او عنبيه او كرز او حتى علبة فلنغ جاهزه
نص كوب ماي
ربع كوب كريمه
ربع علبة قيمر
3 علب جبن كريمي اما فيلادلفيا او كيري
نص كوب سكر
كوبين كاكاو ابيض مفتت
3 بيضات
فانيليا
الطريقه :
نمزج البسكوت + 3 ملاعق سكر + الزبده و نرصها في القالب و نضغط باليد
نجهز الفرن على حرارة 325 ف او 165 س
نذوب الكاكاو بحمام مائي + قيمر + الكريمه و نخلط الى ان يتجاانس
في طبق كبير نمزج الجبن + نص كوب سكر حتى يصبح المزيج ناعم
نضيف البيض بالتدريج على مزيج الجبن + الفانيليا
نصب الكاكاو الذايب على الجبن و البيض و نمزج الخليطين ببعض
ممكن اضافة قطع من الفواكه الحمرا بالمزيج و تخلط بالملعقه علشان لا تنهرى
نصب السابق على البسكوت في القالب
تخبز الكيكه لمدة ساعه و نتركها تبرد تالي ندخلها الفرن طول الليل و قبل التقديم
نزينها بالفاكهه المقصصه و بالعافيه
***
كرات الاوريو
المقادير
16 جيس اوريو كل جيس فيه 4 كوكيزات
علبة جبن فيلادلفيا كبيره
كاكاو نص مر ذايب بحمام مائي ( حابه تبدعين ذوبي كاكاو ابيض و نقطة ألوان )
الطريقه :
نفتت البسكوت بالخلاطه
نضيف على البسكوت الجبن و بالخلاطه
نكور معجون الاوريو بالجبن كرات متساويه و احجام حلوه
نغمس الكور بالكاكاو الذايب و نصفهم في صينيه
نرش عليهم اي نوع من انواع الزينه او الصلصات
نغطي الصينيه بالنايلون و ندخلها قبل التقديم ساعه
تشيز كيك الفدج
كوب و نصف ويفر فانيليا او اي نوع بسكوت تبون ممكن دايجستيف مفتت
نص كوب سكر بودر
ثلث كوب كاكاو بودر مر او نص مر
ثلث كوب زبده ناعمه
كوبين كاكاو نص مر ذايب بحمام مائي
3 علب جبن فيلاديلفيا
4 بيضات
فانيليا
2 علبه نستله حليب محلى كبير ( نستله مو غيره )
الطريقه :
الفرن على 300 ف او 150 س
في الخلاط البسكوت + السكر + الكاكاو + الزبده و نصب هالمعجون في قالب الكيك و نضغط باليد
في خلاط نخلط الجبن حتى يتخلله الهواء و تنتفخ + الحليب المحلى
نضيف الكاكاو الذايب على الجبن + البيض + الفانيليا و نخلط تمام
نصب السابق على البسكوت و بالفرن لمدة ساعه منقووول لعيون بنات حواء
