في البداية احب اقولكم انا اول مرة اسمع فيها وقبل امس شفت وحدة تسأل عنها هنا في الواحة السياحية وسبحان الله بدون اي مقدمات اختي عرضت علي وقالت لي تعالي نروح( افريكانو )لاني امي واخويا وزوجته راحوا لها وتقول فيها نشاطات واشياء تنفع للاطفال اتوكلت على الله وقلت:طيب...نجرب
وامس من الساعة تقريبا 6العصر كنا هناك انا واختي واولادنا والحبيبة(امي)معانا....
تقع قرية(افريكانو)في مدينة جدة شرق الخط السريع خلف القاعدة الجوية وعلى فكرة في لوحة كبيرة مكتوب عليها يعني القرية على الشارع(ماتضيع)رسوم الدخول 5 ريال للشخص
والقرية عبارة عن مكان كبير فيه عدة نشاطات فيوجد عندهم مسبح للاطفال متوسط الحجم وسعر التذكرة للطفل 15 ريال
والعاب ملاهي كهربائية وتوجد ايضا زحاليق ونطنيطات (المنفوخة بالهواء)ايضا سعر التذكرة للطفل 15 ريال
وعلى فكرة المسبح والنطنيطات العب حتى تتعب:09:
ويوجد عندهم ايجار دراجات بالساعة 20 ريال ونص ساعة ب 15ريال بس اخذناها ب10 ريال:S_45:
من اهم الموجود في القرية الحيوانات وتعتبر حديقة حيوان مصغرة فيها مجموعة لابأس بها من الحيوانات(وعلى فكرة هذه الحيوانت من بقايا الانعام الجميلة)
وفيها جلسات عادية وجلسات مكيفة وبيوت شعر يعني اللي يريحك
بالنسبة للاكل احنا طلبنا في البداية بيتزا(كويسة)والعشاء طلبنا سمك(جيد)وقال عندهم مشاوي
طبعا المكان لايخلو من اكشاك الايسكريم والذرة وهوت اند كريسبي وووو....وعندهم اكشاك ملابس والعاب وكتب ومجلات واشرطة وووو......
وعندهم سيارات الجولف تاخذكم لفة كاملة على المكان بس مااعرف بكم؟؟؟
وطبعا بمناسبة الاجازة كان عندهم حفل مجاني للاطفال بس المشكلة يبدأ الساعة 12 بالليل:mad:وعلشان اول مرة قلنا يلااااااا
الحفلة كانت بسيطة جدا بس ممتعة جدا لاطفالنا لان اسمها طيور الجنة(المزيفين:icon19:) برعاية عمو وليد وطبعا باغانيهم المحبوبة عند الاطفال ولانهم شاركوا في اغلب الفقرات وكسبوا جوائز رمزية...
بصورة عامة المكان مستواه (جيد)والمرافق مقبولة والخدمة جيدة وعن نفسي انبسطنا مرررررررة لاننا كنا مع بعض والاهم انه فلذات اكبادنا انبسطوا مرررررررررة لانهم انطلقوا وخرجوا من الرويتين (مول...مول....مول)
وهذه بعض الصور للمكان علشان اللي يبغى ياخذ فكرة بس بيني وبينكم(الصور احلى):pبس للاسف الصور الحلوة مو راضية تتحمل وان شاء الله احاول ثاني واشوف
ابراء ذمة:اقر انا طال عمري ان المكان عادي ويمكن مايعجب كثير ومايناسبهم بس عن نفسي انبسطت وعيالنا انبسطوا وحبيت انقلكم التجربة
بسم الله نبدأ
هذا غابة كافيه
وهذه صالة العاب الفيديو جيم وشفت فيها طاولات بلياردو
وهذا مكان و مسرح الحفل
وهذا الدراجات للايجار
مكتبة ومحل اشرطة
بطاطس
محل هدايا
ملاهي
هنا تختاري السمك