السلام عليكم
كيف حالكم ياخواتي
اسال الله ان يسعدكم وان يفرج همومكم
اخواتي انا متزوجه من 8سنين وعني ابناء ولله الحمد مشكلتي مع زوجي للاسف مشاكلنا كثيره ومالها سبب معين وصلت الى السب والطرد والى الطلاق لكن ماخبرت اهلي خفت اني اخسر حبيبي واخسر عيالي فسكت رغم الجروح الكبيره اللي بقلبي
جات لزوجي بعثه للخارج ووافقت نسافر معه رغم المشاكل وقلت لعل الغربه تحنن قلبه
ونرجع حبايب
لكن عشت اسوء ايام عمري
غربه وقهر من زوجي وعذاب
وضرب وصراخ وطرد من بيتي انا وعيالي
بس ماطلعت وين اروح بالغربه
حاولت اعرف سبب مشاكلنا لكن مالقيت حل زوجي كرهني والديره كلها فساد وتعري وفتن
وعمله كله اختلاط
وزوجي كانه وده بالفكه مني
وجت اجازتنا وورحت لاهلي بغيت اشكيه بس هو حلفني بالمصحف ماعاد يعيدها وانه يرضيني واستر عليه
وسكت غبيييييه
المهم قبل رحلتنا بيومين صار بيننا هواش وضرب قلت مادام اني بديرتي اروح لاهلي رحت وهو سافر للخارج
انا الان صارلي 6 شهور عند اهلي والله ماسال عني او عن اولاده ولا فكر يرسل مصوف
صرت استحي من اهلي فبعت ذهبي وجاب مبلغ بسيط وقاعده اصرف حليب وحفايظ ولبس الاعياد وطلباتهم الكثيره
المشكله بالنسبه لي تبدا من هنا
فيه ناس من اهلي توسطواوكلمو زوجي عشان نرد لبعض
اعترف بغلطه وقال ايه ضربتها بس هي وهي ....فضحني بالشكاوي مني
وقال انا ابغاهم وتكفوووووون رجعونا لبعض
وعلموني وش شروطها وانا مستعد فيها
والرجال من اسبوعين يدقون عليه ومقفل جواله
اومايرد عليهم طنشهم
الرجال استغربوا من حركته
وقالو انه من كلامه يبغى اهله ليه سوى الحركه هذي
عاد انا انقهرت لاني كنت فرحانه باطير من الفرحه ودي ارجع لزوجي
بس جاتني حالة بكاء والى الان ماقدرت انام
الشي اللي معذبني عيالي واسالتهم الكثيره ليه ماما ماعايدنا ليه ماياخذنا ليه وليه
انا محترق قلبي
ليه مسوي هالحركه
ودي اسالكم وش قصده
لاني احس باهانه وقهر
وعجز مخي عن التفكير حاولت اعطيه تبرير لحركته ماحصلت
ابي رايكم ودعواتكم
وكيف انسى التفكير فيه واحاول ارتاح
لانه على حد علمي انه مرتاح وعايش حياته
ومايبي يرجعني لانه خايف من المشاكل
وحط كل الوم فيني
وعمتي تبي تكلم امه او خالته وتسالهم ليه مايسالون اويرسلون مصروف لعيالهم وليه ولدهم سوى هذي الحركه
بس انا رفضت لاني مابي انهن اكثر من كذا
وش رايكم
للاسف باعني بس انا لازلت احبه وافكر فيه
انا ابي رائيكم وابي دعوه بظهر الغيب انا في حيره من حياتي وش اوي
خسرت حياتي @khsrt_hyaty
عضوة نشيطة
يلزم عليك تسجيل الدخول أولًا لكتابة تعليق.
الله يعينك اختي ويسخر قلب زوجك
لو تقولين لنا المشاكل وش سببها يمكن نقدر نساعدك
مانقدر نحكم الا بعد معرفة جوانب الموضوع
لو تقولين لنا المشاكل وش سببها يمكن نقدر نساعدك
مانقدر نحكم الا بعد معرفة جوانب الموضوع
الله يسخره لك ياقلبي
بالنسبه للمصروف كلموه علشان يصرف على عياله مافيها اهانه ولا شئ هذولا عياله وهو ملزوم فيهم
بالنسبه للمصروف كلموه علشان يصرف على عياله مافيها اهانه ولا شئ هذولا عياله وهو ملزوم فيهم
الصفحة الأخيرة
وانا فاهمه شعورك والله
وعارفه وش تحسين فيه
بس وماقدرت افهم وش كان قصده بحكره تقفيله جواله
الله يهديه يارب ويرجعه لك
ويصده عن الحرام يارب
والله يرجعكم لبعض عاااجلا غير اجل امين
طمنينا عليك اذا حصل لك جديد