احس اني مااطيق زوجي من بخله وسيطرته ادخلوا ووجهوني ياصاحبات الخبرة

السلام عليكم

خواتي انا متزوجة من شهور وجيزة وبقولكم على اشياء مضايقتني لكن اباخذ رايكم لان تجربتي بسيطة واريد نصح لا تجريح يااخوات طبعا الحمدلله مااعيب زوجي في الدين من ناحية الصلاة والحمدلله ولا الخلق الحمدلله مستقيم ومحترم الله يثبته امين والمسلمين لكن اكتشفت انه بعد الزواج يدخن لكن بالسر وهو اعترف لي وانه متضايق وجرب عدة مرات يتركه ومااستطاع لكن وعدني بتركه ان شاء الله
الامر الاخر ياخوات احس انه بخيل مايبي الصرف واذا صرف يصرف شوي وحريص على الفلوس بشكل يضايق ويردد مايحب السوق وامه تقولي له عليك ثوب القطن وملي البطن ومتاثر بطبايع امه وشدتها بالفلوس ونفس تردادها حنا مانحب السوق قلت له بتوظف قال وش تبين بالوظيفه وجلس يخربط علي بكلام مع انها شرط بالعقد يوم شافني الحيت قال طيب من بيقومني الصبح ؟ العمل بيفصلوني تخيلوا قلت له اصحيك قبل لااروح قال مااقوم وانا ماعلي منه يعني مايبي يصرف ولا يبي اتوظف واصرف على نفسي مع ان الوظيفة شرط وتخيلوا يحاسبني على عشرة ريال اللي يشحنها يجوالي يوم قلت له جب لي قال ماخلص اسبوع
وايضا يمزح معي مزح غريب وثقيل يعني تخيلو بعد ماتغدى يمسح بوجهي دهن اللحم بحجة انه يمزح الصراحة قهرني
الصراحة ياخوات بخله علي يخليني انقهر منه يبي دلع وفرفشة وسواليف واستقبال على الدخلة والطلعة وطبخ ونفخ وتنظيف ويدقق علي هذا ليش مغبر وهذا ليش ماانغسل ومايبي يعطيني حتى هدية زواج ماشفت منه حتى عشا زواج ماشفت مصبحة من بكرة على اكل جابه من اهله بعد ماطلع يشتري زي الناس يعني انقهر يبغى اكمل كل شي وهو مقحط علي
ابي نصحكم لاني اعدكم خوات وماابي تجريح الله يرضى عليكم