الى بنات الاحساء اختي تساءل ايش افضل مستشفئ للولاده؟؟

انا بحملي السابق كنت اتابع بمستشفى الاحساء وماعجبني الدكتوره همها الفلوس
وتسمع كلامك وتمشيك بسرعه عشان تدخل غيرك مع اني ولادات مبكره سابقه واجهاض
لكن ماهتمت لي يعني كم مره اقولها ينزل دم تعطيني بس حبوب مثبته وخلاص
لمن جاني طلق بالسابع وولدت ومات الجنين

الحين اتابع عند مستشفى حسين العلي بالاشهر اولى اتابع عند الدكتوه اولغا
وبصراحه ماعجبتني
لانها روسيه واذا فيك شي لازم احد يترجم او انك تتكلمين انجليزي وكل شي
اقولها تقول نشوف لبعدين يعني شكلها ماتعرف
والحين صرت اتابع عند الدكتوره هبه بصراحه افضل منها واحسن تستمع لي
واذا قلت لها ابي كذا
تقول لي اذا هذا من صالحي او لا وماتأجل لبعدين يعني بصراحه تهتم وماهمها
اني اطلع من عندها بسرعه
وتدخل غيري ، وللحين ماجربت الولاده عندهم بس يمدحون الولاده عند
الدكتوره جوتي هنديه او اولغا
ويقولون اهتمام وعنايه وممكن يدخل زوجك معاك او امك وكمان عندهم ابرة ظهر
وبإذن الله راح اولد عندهم

والله يسهل ولادتي ويسخر لي الطاقم الطبي الممتاز اثناء الولاده

رفع للافاده

وانا محتاره وين اولد. 
بليز كل وحده بالاحساء تنصحنا وتقول وش رايها بالمستشفيات. وبالذات مستشفى حسين العلي. وبخياطتهم. ركزوا. خياطتهم. وبكم ابرة الظهر. 
انا ولدت بالاحساء كويسه الولاده بس الخياطه ماحس عجبتني لاني اول مره اولد واجرب الخياطه. 

للرفع..

سويت ميمي انا لما اروح ع مراجعاتي بمستشفى حسين العلي
كنت اسأل الحريم اللي موجودات بالانتظار
ويمدحون الولاده ويقولون فيه عنايه واهتمام من ناحية الممرضات والدكتوره
والخياطه ممتازه ويعطونك موعد بعد الولاده يشوفونها
ويقولون عادي يدخل زوجك ولا امك ، وماتحسين بألم عند الخياطه يعطونك بنج موضعي

لكن انا مثلك ودي اعرف عن ابرة الظهر وكم سعرها وهل يشملها التأمين
واذا مايشملها التأمين هل يشمل التأمين ابرة العضل ؟
داتمنى اللي ولدوا هناك يجاوبونا لان مافي تجارب مضافه بالنت للحين غير ان السمعه طيبه للمستشفى