تكفون شوروا علي بالحل

السلام عليكم
انا زوجي موظف ولله الحمد وراتبه سبعة وطبعا القروض تاخذ 2ونص
المهم بداية المشكلة لما نزل الراتب قلت له بنشري غرض للبيت قيمته بحدود 3 مية وكمان ابقضي ملابس لي ولبنتك ضرورية مرة قال حاضر وابشري ومن هالكلام
المهم انا سكت استناه هو يقول يالله بنشري الاغراض بعدين عودت تكلمت قلت يالله بنشري الاغراض بعد مرور 6 ايام على الراتب وهو يقول والله انا مطفر قلت مطفر مسرعك يطير الراتب وانا قايلتلك من البداية بنشريها المفروض تعمل احسابك وبعدين اذا كنت ماتقدر ليه توعدني من البداية كان قلت مقدر من البداية
واللي قهرني يقول حافز تى ينزل لك قلت حافز خلاص ماهو نازل يقولوا غير بعد 3 اشهر يعني ماجل التقضي حاسب على حافزاقسم بالله كرهت حافز وذلونا به بعد
المهم سكتنا بس انا انغصت ماصدقته ان الراتب خلص لان ماشرينا شيء الشهر هذا ويوم نام وانا افتح رسايل البنك بجواله وانا القاها رسالة نزول الراتب بعدين خصم القسط 2ونص وبعدين سحب صراف 500و32ريال
انقهرت يعني الراتب ماخلص وقاعد يكذب علي اقسم بالله منقهرة
يابنات قولوا لي كيف اتصرف ما اقدر اقول هالمشكله لاحد عشان ماياخذون فكرة ان زوجي بخيل
مقهرة منجد