ياعالم أنقذوني بنتي ,,,,,,,,,

للرفع

الله يرفع قدرك أختي

بسم الله عليها كبيره ؟


يعني بتدخل الخامسه ربي يحفظها ؟


انتي هدي نفسك خذي رأي طبيب بهالموضوع


ممكن يكون له علاقه بالنفسيه هذا اذا استبعدتي وجود شي عضوي


او يمكن تعرضت لموقف بصغرها بالحمام وتعقدت منه


سواء طاحت او تعرضت لماء حار ......الخ


لان الاطفال عادة يستجيبون مع المدح والترغيب والمكافأه اللي يحبها الطفل


وبما ان بنتك ماشاء الله صارت تفهم ومع هذا ماتستجيب


يمكن عندها رهبه من دخول الحمام


اقري عليها اولا ..


وعالجي موضوع رهبتها وخوفها من دخول دورة المياه ..


وبعدها يجي وقت تدريبها على الحمام


أما اذا هو دلع بنوتات فهذي مصيبه خخخخخخخخ


عموما يارب تلقين الاجابه الشافيه عند الامهات المجربات


أسأل الله أن يفرج همك في الدنيا والاخره


ويطمنك عليها

عزيزتي
إذا على العناد فمعظم الأطفال يعادن في هذا العمر
بس ممكن تكلمينها وتقولين لها وانتوا صحبة مع بعض وضحك ولعب
ماما انتي بوته كبيره وحلوة
وكل الأطفال الحلوين ما يلبسون بامبرز لأن البامبرز للأطفال إللي ما يعرفون يتكلمون ولا يفهمون
فترضين أحد في المدرسة يقول إن إنتي ما تعرفين تتكلمين مثلهم وتقولين إنج تبغين تسيرين الحمام؟
وجيبي لها مثال على أي حد هي تحبه وتنجن عليه وقولي لها إن في عمرها كن يسير الحمام
وحاولي تعرفين ليش ما تحب تسير في البداية وانتي رايقه وهاديه
حاولي تفهمينها إن الحمام مكان ما يزعج الناس
في البداية وقفي معاها عند باب أي غرف وخليها تعدد الأغراض إللي فيها
بعدين خذيها لباب المطبخ ولكل زاوية وكأنكم تلعبون وقلي لها غمضي عينج وقولي شو موجود داخل
وبعدين خليها تطل وتشوف إن إللي قالته صح
لين توصلون الحمام ويكون هو آخر ركن ونفس الأسئله
بعدين اسأليها وين الناس تنما علشان تقول غرفة النوم
وين الناس تبخ
ولين توصلين وين الناس تتحمم وتقضي حاجتها .... وإذا قالت الحمام
قولي ليش إنتي ماتسيرين الحمام
وخذيها بهذا الأسلوب جايز يفيد معاها بإذن الله
وإذا كانت تخاف من المكان المرتفع خذيلها النونية إلي ممكن تجلس عليها وتطلع صوت بمجرد ما تقضي حاجتها
فجايز تاخذها كأنها لعبه
وطولي بالج معاها
وإن شاء الله ربي يهديها لج
والله يحفظها من كل شر اللهم آمين

الله يجزاكم خير أخواتي (سبيعية ذوق ) و(دلوعة حبوبة )وأشكركم على مروركم الكريم
بنتي ماعندها عقدة من الحمام لأنها ترووح معي عادي بس تقرف من أي أحد ثاني لا وتمسك خشمها بعد مشكلتي لو إني بإجازة كان قدرت أدربها يعني لو دربتها الحين ماستفيد شي لأنها وقت دوامي ماترووح مع الشغالة,, يعني عادي انتظر إلى وقت الإجازة تقريبا بعد3أشهر وزيادة