مطر الصباح

مطر الصباح @mtr_alsbah

محررة ذهبية

كل وحده تقولنا وش الاصناف اللي تقدمها بفطور رمضان..نبي مشاركات

اطباق عالم حواء

السلام عليكم
وشلونكم وش احوالكم ان شاء الله تكونون بخير وعافيه يارب:41:
جانا شهر الخير والعباده والشغل والكرف والتقضي من هالاكلات اللي نصها مايخلص (الحمد لله والشكر تقل بيوتنا فاضيه قبل)
وكل عام وانتم بخير وشهر مبارك عليكم الله يبلغنا اياه وحنا بخيرويمحي فيه ذنوبنا يارب
المهم يابنات ابدخل بالموضوع على طول
ياليت كل وحده تقولنا وش الاصناف اللي تحطها على الفطور يعني خن نذكر بعض ونستفيد من بعض واللي عنده طبق لذيذ وسهل اهم شيء السهوله رمضان هالسنه ماعندي شغاله يعني ابحوس فيه مادري وش ابصير..الله يعين بس ونفس الوقت ماود الواحد ينسى العباده من تراويح وقران وغيره ترى هذا اللي نبي نلقاه بعدين يابنات ولا كل شيء رايح
اببدا انا :
طبعا الاساسيات لازم اللي هن الشوربه والسمبوسه والقهوه والتمرواحيانا معجنات واحط معهن طبق رئيسي ياما صينية خضار توكل مع خبز اورز مع اللحم او الدجاج:o:o....ادري انه مايصلح بس وش تقولون باللي عندي يموت بالرز مع الفطور ..واحيانا مصقعه واحيانا محشي كوسا ..
ولازم شيء حلو عاد
بس ودي بشيء جديد وسهل ياليت تذكروني
الا يابنات وش انواع الشوربات اللي تسوونها غير كويكر وشوربة الجريش والعدس
يالله عاد همتكم معي
بامان الله وشهر مبارك على الجميع
30
12K

يلزم عليك تسجيل الدخول أولًا لكتابة تعليق.

تسجيل دخول

njma2
njma2
الله يعين اهلي علي:26: مااعرف اطبخ
*شريفه*
*شريفه*
ما شاء الله عليك ياشهير نت .. وش بقيتي للسحور ..
أنا أسوي الأساسيات اللي قلتي عليها مع الفطور وطبعا لقيمات أو جبنيه أو أي حلى وأحيانا نستغني ..

وبعد التراويح فطاير ..

وبعدين السحور اللي هو ..

والحمد لله على النعمة .. وأنا بصراحه ما أأيد الفطور الدسم والشبعة لأنها سبحان الله تثقل الواحد عن العبادة والصلاة ..

ومشكوره على فتح الموضوع ..

وكل عام وأنتم بخير :26:
مطر الصباح
مطر الصباح
ياهلا والله يابنات منورين
نجمه هين اهلك مجبورين يتحملونك بس الله يعين ابن الحلال عليك وش بتوكلينه ..لازم تتعودين من هالحين على الطبخ :cook:
غاده هلا بك فعلا مابقيت شيء للسحور بس وش اسوي زوجي يحب تكون سفرة الفطور مليانه ...علشان كذا انا ما اسوي الا وجبتين برمضان الفطور وحده والثانيه تكون بين وقت السحور والعشاء ...وصح ان الواحد يجوع بعد التراويح بس ناكل الباقي من الفطور ....احسن مايروح تعبي هدر وسدى اخليهم يخلصون كل شيء باقي من سمبوسه وفطاير وغيره وغيره ......
ماقلتي وش انواع الشوربات اللي تسوينها
مشكوره ياعمري مره ثانيه
وين الباقين وش تسوون للفطور يابنات ...
سهارة
سهارة
هلا شهير نت

طبعا الفطور كعاده الاساسيات وطبعا معها حاجات خفيفه لقيمات خلايا النحل كنافه والمعجنات انواعها طبعا بس كل يوم صنف

وبالنسبه للشربه مالنا غنى عن شوربة كويكر بس احيان الوالده تغير الروتين وتعمل شوربة خضار او مكرونه بشميلا ولا شوربة الكريمة بالدجاج او لسان العصفور

والدسم طبعا مالنا غنى عنه في السحور والحمد لله

تحياتى :26:
*شريفه*
*شريفه*
هلا ..

جربي شوربة الفطر .. تلاقين طريقتها في كتاب المطاحن الكويتيه ..

أنا أسويها ولذيذة بالمره وسهله ما تاخذ وقت ..

وممكن تبدلين الفطر بالدجاج أو الربيان .

اذا الكتاب موعندك قولي لي وأكتب لك الطريقة ..