من تريد المشاركة فى مشروع صناع الحياة للمشغولات اليدوية بكل انواعها فى الكويت فلتدخل

السلام عليكم اخواتى فى الله...اكيد كل واحدة فيككن داخلة وعايزة تقدم لدينها وبلادها شئ..عايزين نبدا النهضة ونبدا بمجال الصناعات الصغيرة..انا عتدى هواية المشغولات اليدوية والخياطة ...وادعو كل من عندها وقت فاضى ولو ساعة باليوم وعايزة تشترك معانا وتحط ايدها فى ايدنا..سواء كانت تعرف تعمل حاجة او لسه هتتعلم..المهم الرغبة والنية فى المشاركة الجادة...ادعو كل الاخوات المقيمات فى الكويت انهم يشاركونا ....نجتمع ونجمع معلوماتنا وخبراتنا ...
هنبدا مع بعض خطوة بخطوة
هنعلم بعض لغاية لما نتقن
وبعدين هنبحث عن مكان نسوق فيه ونتفق معاه انه يشترى منا منتجاتنا
كل قطعة يحدد المسوق هيشتريها مننا بكام
وبعدين هنبدا بالتصنيع
كل واحدة فى بيتها
وكل ما انتجت كل عضوة كلما زاد دخلها
وعلى حسب وقت فراغك المتاح تقدرى تشاركى معانا
حتى لو بقطعة واحدة فى الشهر
المهم انك تشاركىو
وتشعرى انك بتقدمى شئ لبلادك
ولله
الذى ستقفين امامه يوما ويسالك ماذا قدمت
المشروع واسع جدا
وسهل جدا جدا
خياطة الملابس الحريمى -قمصان النوم-ملابس الاطفال-الطرح وتطريزها-الاكسسوارات-توك واكسسوارات الشعر-الشنط-سلال الفاكهة -علب المناديل-ملايات ومفارش السرير
مفارش السفرة -الشموع-الشمعدانات-اللوحات الفنية-الرسم على الزجاج والحرير والسرمة-شغل السيراميك وباقات الورودوكل شئ او ابتكار وكل فكرة جديدة
ارجو من الجميع الا تترددن فى المشاركة
وشكرا لكن..وكل من عندها اى فكرة او اضافة ياريت ما تبخلش علينا بيها
ولدى طلب من اخواتى المشرفات..ارجو ان تساعدونى بلفت انتباه الاعضاء لهذا الموضوع
ووالله ما قصدت من وراءه الا الله
اكيد حضراتكم مثلى واكثر تردن ان تقدمن شيئا لبلادنا الحبيبة
وبدل ما بنروح نستورد كل شئء من بره..نلبس من صنع ايدينا
ونشيل عن امة المسلمين وزر صناعة المشغولات اليدوية الى ربنا يسالنا عليه لان ماحدش عمله
انا طبعا اخترت الكويت لانى مقيمة هناك
وانا واثقة انها بلد الخير واتمنى من الاخوات سواء كويتيات او مقيمات انهم يشتركوا معانا ولو بالبسيط جدا
انا فى انتظاركن