من زمان ما نزلت معلومات عن بعض المناسبات في مدينتي
بس متل مابيقولوا من طول الغيبات كثر الغنايم وباذن الله راح خبركم على كذا ايفنت حاصلة في الصيف ..
اول مناسبه قريبا راح تكون حفلة تخرج للبنات سواء في الثانوي او في الجامعه
الحفله راح تكون في صالة افراح فخمه اسمها le treport Banquet hall
نظرة عامه عن الحفل:
هذي هي المرة الرابعه على التوالي اللي نعمل فيها حفلات تخرج ولله الحمد كل سنه الحفله تكون ناجحه اكثر من السنه اللي قبلها ..:)
بدأناها مع منظمة البيان والان صار المسؤل عليها مدرسة رياض الصالحين وهي من افضل المدارس العربيه الاسلاميه في الويكند في ميسساجا وشهادتي فيها مجروحه ..
الفكره بكل بساطه هي تعويض البنات المتخرجات عن حفلات الـ prom الغربيه واللي تكون مختلطه ويكون فيها من الشرب والمنكرات ماهب ودب والعياذ بالله ..
في اولى بدايتنا كان عدد الحضور لايزيد عن الخمسين شخص اما الان فهم اكثر من 200 فتاة ماشاء الله
مثل ماقلت لكم الحفله رسميه يعني اللبس كله فساتين سهره ورسمي ..
مالمميز للمتخرجات؟
راح اعطيكم نبذه عن اللي سويناه العام الماضي
جميع المتخرجات لبسناهم شرايط مكتوب عليها بالذهبي (خريجة عام 2005)
ولبسناهم تيجان الماس (طبعا مو حقيقي ) هههه وعطينا كل واحده ورده حمرا وبعدين شغلنا زفة التخرج ودخلناهم عليها للصالة
سووا مسيرة التخرج حوالين الصاله وكان في عرض باور بوينت على الشاشه يوريكي صور المتخرجات وهما صغار ..
بعد كذا وقفوا على الستيج ونادوا كل واحده باسمها سألوها من وين متخرجه وايش ناوية تسوي بعد التخرج .. وعطوها الهديه ..
بعد كذا نادوا امهات المتخرجات يجو على الستيج وكل واحده عطت الورده الحمرا لامها وكان داخل الورده قصيده عن الأم القوها ثلاثه من المتخرجات بطريقه جدا روعه ..
بعدين جبنا كيك كبير عليه اسماء كلللللل الخريجات وقطعوا الكيك سوا بعدين كل واحده اخذت القطعه اللي عليها اسمها يا اما اكلتها او تلاقيها للحين محتفظه فيها للذكرى هههههه
ماذا عن برنامج الحفل لغير المتخرجات:
طبعا بعد كذا المتخرجات جلسوا على الطاولات وبرنامج الحفل استمر كان في كذا رقصة ودبكه ومشهد
ولكل واحده كان في مقدمه واسلوب لبدايتها ونهايتها
ومابين كل فقرة والثانيه كان المقدمه تقول نكت وقصص ظريفه ونكت وهيك شي :) فما طفشوا الحضور ابدا
العشاء :
العشا وجبه كامله يعني مو مثل المطاعم الكنديه اللي ماتشبع :) فباذن الله راح تشبعوا عالمظبوط
وفيه كمان حلا وعصيرات وقهوة وشاهي طول الوقت ..
خلال المسابقه كان العشا يتحضر .. فأخذوا بريك وسووا مسابقة مابين كلللللللل الحضور ما اذكر ايش كانت اللعبه بالضبط بس اذكر انه مررررة انبسطوا والناس ما طفشت وهي تستنى الأكل ..
التصوير :
وعشان نقنع البنات بمنع التصوير في القاعه جبنا كاميرا وستاند وصورنا كللللللللللللللللللل الحضور والمتخرجات بلبس التخرج وبلبسهم العادي وطبعنا الصور وعطيناها ياهم :)
وللمتخرجات صورنا صورة للصاله ولطوالة الأكل وللكيك وحطيناها في البوم صور وعطينا لكل بنت الالبوم فيه كل الصور عشان الذكرى ..
وكانت فكرة جدا ناجحه وناويين نعيدها باذن الله..
ختام الحفل:
طبعا مثل اي حفلة رسميه لابد من انهاءه بالرقص فشغلنا كذا سي دي بالاخير والبنات رقصوا والباقي اما كانوا يتصوروا او ياكلو او عما يدردشو مع بعض
وخلصت الحفله على خير والحمد الله رب العالمين
اللي حابه تيجي تتفرج او عندها اي اسأله اهلا وسهلا وحياكم الله جميعا في هالموضوع او بالخاص
وفي امان الله
رنيم
ان شاء الله دائماً ناجحين وفرحانين