بنات العمر يمضي وانا الى الآن ما لقيت حل

بنات ساعدوني
مشكلتي وياي من الطفولة ليما المراهقة..الى الثلاثينات:o:o
لو مراهقة ممكن...لكني مرة اشكبري وام..يعني قدوة لبناتي
مشكلتي الضحك...وين ماروح تحصل لي مواقف مضحكة....ليما خلاص تبرمجت عليه

في المستشفى..ولادة..قال زوجي كلمة..ضحكت..وطولت وانا اضحك ..اسالتني
الممرضة :بكرية؟؟ قلت لها لا...ماتدري اني بالعزا..اضحك تبيني بالولادة اسكت
وعلى طاري العزا..عساكم ما تفقدون غالي وعزيز..اذا رحت مع وخواتي او عماتي... يحاولون مايشوفوني..حتى لا ننطرد

مرة رحت لطبيب الاسنان(حتى تعرفون ان المواقف تلحقني)..
والدكتورالظاهر كان مصدع ..بدل لايقول للممرضة صبي ماي (للممضمضة)
قال صبي قهوة..قالها عندي..يعني انا ناقصة..ساعة ونص وانا اضحك....

سؤال؟؟؟ اشدخل الاصنصيل بالضحك...ماادري.....
اذا دخلته كأني داخلة مسرحية كوميدية بطولة عبد الحسين عبد الرضا وطارق العلي و عادل امام

المشكلة...رجلي لما اتخانق وياه..خناقة مو هينة...اتحاشى عيني تطيح بعينه
من اشوفه اضحك..وهو يضحك من ضحكي...اقوله ترى انا مازلت زعلانة وحاقدة..واحمد ربك ماعندنا ساطور....
ودي اصير جدية وياه...وقوية...لكن مااصمد

بنات المواقف كثيرة.....وانا اذا ضحكت ما اسكت..مافيه كنترول...لي متى؟؟؟