ليش ما اتعلم من اخطائي .... و دايما ادخل بمشاعري بقوه جدا

السلام عليكم و رحمه الله وبركاته

الموضوع ومافيه ..... انا عندي مواصفات احتمال بعضكم يقول عنها صفات حلوه لكن لوضعي مو حلوه

انا لما احب شخص احب بقوه و عمق و اخلص له و مكانته في قلبي تصير جدا عاليه

و اكره اكره التطنيش اذا احد احتاج لي (حتى لو الشخص اثبت لي مرات كثيره انه فقط يتذكرني وقت المصلحه)




مثال في صديقه وقت ما تحتاجني معاي عالواتس اب كاننا اخوات بعد ما تنقضي حاجتها انا اكون تعلقت فيها تصير تطنشني وماترد بالايام على حوارنا مع انها تنكت فالقروب

انا مو انسانه لحوحه و لزقه لكن احب تكون عندي صداقات والصراحه اعاني من الوحده

وفجاه نفس البنت رجعت احتاجت لي وانا ماقصرت كالعاده مع ان من نفسي اتضايق ولكن خلاص من اول مره تكلمني كان مافي شي صار

ارجع احبها و استنى اتصالها او مسجها و ارد عليه بسرعه فائقه







هذا مثال واحد لكل العلاقات (صديقاتي او زميلاتي او اقاربي)

جدا سهل الشخص يستغلني

ودايما يقولو لي على نياتي




لكن اعاني من الوحده الشديده فقط وقت احتياجهم لي الالقيهم