أول مرة أشارك بموضوع جديد في المنتدى
بس لأني جربت شيء وإستفدت منه وحبيت أفيدكم :)
المنتج هووو :
مناديل لإزالة الدهون
تُستخدم للبوتجاز .
سهله جداً وعملية أعجبتني كثير وإرتحت من ريحة الكلوركس وجف ..
من فين إشتريتها ؟
لبنات الهيئة الملكية ، أخذتها من أسواق النجمة ، وأكيد تلاقوها في الهايبرآت ومراكز أدوات التنظيف ..
كم سعرها ؟
ما أعرف الصراحه ، لأني حاسبت عليها من ضمن الأغرآض ..
نبذة عن المنتج ؟
عبارة عن مناديل مبللة ، عددها 24 قطعة في الكيس الواحد ، رآئحتها على برتقال تقريباً ، شكل العلبة أو الكيس بمعنى أصح مشابه
لمناديل إزالة المكياج ، تفحيها وتآخذي منديل وتقفليها (فيها مادة لاصقة لسهولة إقفلها)
تزيل جميع أنواع الدهون من على البوتجآز ويرجع كأنه جديد ..
بالنسبة للدهون القديمة تحتآجي لـ (سلك) اللي ننظف فيه القدور تفركي مكان الدهون بالمناديل
ثم بالسلك وتمسحيها بالمناديل وبس ..
طريقة إستخدامها سهلة جداً جداً ومرييييييييحهـ ..
أنا أخذت علبة واحدة فقط للتجربة وآح أرجع آخذ ثانية إن شاء الله ..
تقييمي للمنتج ؟
10 من 10 واللي تجربها تحكم عليها :)
صورة المنتج ؟
أخذت الصور من النت وأنا عندي نفسها بالضبط ..
(( أتمنى يكون مكآن الموضوع صحيح :) ))