احس بالذنب ..ضربت ابنتي في المسجد اليوم

الله يعينك اختي وبصراحه المسجد مايصلح بالأطفال الواحد مايعرف يصلي منهم المفروض تخلينهم بالبيت مع الشغاله اذاكانت ثقه

أختي ...

طبعاً ضميرك رح يأنبك ... أصعب شي يمر فيه الطفل الإهانه قدام العالم الخارجي

رح اقولك قصه مرت علي وانا اسوي بحوث تخرجي وطبعا لازم ادعم البحوث بالقصص
قابلت بنت تقول انه امها ضربتها في السوق وهي عمرها تقريباً 10 سنوات
كانت اكثر لحضه حست فيها بالضعف والكره والحقد تجاه اي أحد
البنت الحين عمرها فوق العشرين بس ما نسيت اش صار معاها
انا ما اقولك الكلام ذا عشان احسسك بالذنب أكثر بس علشان ابغاك تعرفين انه الأطفال ما ينسون ابداً
عشان كذا وقبل ما يمر كل يوم على الموضوع
خذي بنتك لمكان هادي وكلميها وياليت قبل النوم مباشره لأنه الطفل في هذا الوقت يكون مستعد يسمع ويتفهم
أشرحي أنك عصبتي وما قدرتي تتحملين ولا تقولين لها انها غلطانه
لأنك انتي البالغه هنا في هذا الموقف..!!
وانتي المفروض اللي تتمالكي اعصابك وهي مجرد طفله ...!

الأطفال ممكن يسوون من المكان الغير خاص للعب .. ملاهي !!!
وهذي طبيعه فيهم ماتقدرين تغيرينها ..
قبل ما تدخلون المكان اللي خايفه يسوون فيه ازعاج كلميهم بإبتسامه انك رح تقدرين لو جلسوا هادئين ولو حسوا انه طفشوا
او يبغون يلعبون خليهم يجون يقولون .. عشان تتفادين الموقف ..

انا شخصياً لو بغيت اتفق مع الأطفال اتفاق معين اتكلم بمزح وأصافحهم أنهم يوعدون يمشون على الإتفاق
ويتسابقون مين افضل بعد !!!!!

أختي ماأبغي أزيد عليك التعب لكن سواتك غلط اخذك للأطفال معك المسجد وتجنبا لدعاء المصلين عليهم وسواتك لبنتك لكن الي يخفف عن البنت انك مثل ماسويتي هذا الشيء وأهنتيها حاولي توديها في مكان فيه تجمع نساء أو في المسجد أذا قدرتي وحبيها أمامهم أو أمدحيها هذا الشيء يخفف عنها الي صار لها وماتكره المسجد واهل المسجد وماتشعر بالحقد تجاهك

يالله يا اخوات والله دمعت عيوني
كنت قاسية على بنتي
وحتى تركتها تنام بدون ما اجلس جنبها
وتركت الخادمة في المسجد وقتها من شدة الاحراج والغضب ورجعت للبيت وحدها
والى الان انا معصبة من الخادمة لاني جايبتها اساسا عشان تهتم بالاولاد
اختي بسكويت فارليز ماحدث اليوم سيجعلني احرم ذهابي للمسجد بهم والله من الحزن الاخطاء الاملائية في موضوعي كثيرة

الاخت فريدوم "الحرية"
بارك الله فيك على ردك المفصل
لست من الامهات الحمقوات ودائما اتمالك نفسي مع اطفالي لكن هذه المرة كانت فضيحة بجلاجل
والحريم هبوا علي وجات وحدة تقولي لاتتحملي ذنب المصليات في رقبتك
انا غلطت من البداية للنهاية اريد ان اصحح الامر مع بنتي غدا ان شاء الله
جزاك الله خير اختي وجودي علينا دائما بخبراتك في عالم الاطفال بارك الله فيك

اختي مناجاة الله
توبة ان اعيدها وادخل ابنتي معي مرة ثانية ساعوضها في البيت بالحب والحنان الله يغفر لي

كمان يا أختي بنتك مارية ماشاء الله عليها صوت يسمع المصلين في المسجد الثاني هههههههههههههه