انا في حاله مأساويه

السلام عليكم
الله يجعلكم ماتعيشون لحظه حيره
الحيره دمار النفسيه
خاصه اذا كان الخيارين مر
انا طرحت مشكلتي لكم قبل فتره والله يسامحكم مارد علي من اكثر من الف عضوه الا خمس او ست وجعلهم في هذي الليله بأفضل حال
الموضوع ومافيه أني انا وزوجي صارت بينا مشكله كبيره كبيره بسبب الشقه الله لايردها انا عايشه فيها اكثر من سنتين ونصً وشفت فيها انواع العذاب والضيق والهم والكابه شقه ماهي طبيعيه أبدا ضيقه بشكل ماتتصورنه والله لو دخلت مع باب الشقه تنزلون روسكم السقف قصير ريحتها شينه مايدخلها شمس أبدا كل ايامها ليل الشباك علا منور لأصرت منسدحه علا السرير توصل رجولي لدولاب لاصق بالسرير من الضيق
أغسل ملابسي وملابسه عند اهلي مافيه مكان أبدا للغسيل الحمام ماكفا
يعني حياه الله لايوريكم وكل هذا وراتب زوجي. 15الف وراتبه صافي مافيه اي دين وصبرت سنه عقب سنه اطلبه واترجاه نغيرها اقوله بس ابي شقه غرفتين بسًيخلها شمس ونور تعذبت واكتئبت فيها لدرجه ماتتصورونها ابكي ليل نهار من الكتمه والضيق والظلام كل سنه يقول السنه اللي بعدها ولدي يبكي بكا يقطع القلب من الزهق حتا مايلقا مكان يلعب فيه
والحين باقي علا أجار الشقه سته شهور وصلت لمرحله ماعاد اطيقها أخذت ولدي وانحشت عند اهلي وقلت مابرجع الا بشقه جديده
وانا الحين لي شهر عند اهلي جا زوجي امس يترجاني ارجع وأتحمل السته شهور الباقيه وانا ماعاد اقدر ياناس حسو فيني انا أتعذب ماني مرتاحه فيها أبدا أبدا عايشه بهم وحزن حاول اقنعه يستاجر الحين ورفض الا بعد ماتنتهي السته شهور المتبقيه
شوروا علي ارجع او اجلس عند اهلي لين يشوف حل
وتذكروا الهم اللي انا فيه وادعو لي