يابنات خلاص انا الحين قاعدة أرتب شنطتي وناوية أروح بيت أهلي

السلام عليكم
يابنات اكتب لكم وانا قاعدة ابكي ومجروحة جرح عمييييق حسبي الله ونعم الوكيل زوجي تغير وانقلب علي تخيلوا تونا تراضينا البارح توني راضيته كان لنا اسبوع ونص مانكلم بعض اليوم كنا مبسوطين وماعلينا لكن هوه صار يعتبر كل سؤال اسأله إياه اني اشك فيه تخيلوا يابنات قبل ساعتين رجع من عند أهله كان يشوف المباراه عندهم ورجع لي البيت سويت حلى وقلت بنسولف وننبسط ونعوض الأسابيع اللي راحت حلى الرجال وحليت وبعدها جيت ابغا اسولف معاه ابي اقول له عن أشياء كثيرة في خاطري ودي أحط قرارات بحياتنا وقوانين ومبادئ نمشي عليها عشان ماعاد نتخاصم او تصير مشاكل قال انا الحين مو مهيأ اسولف عندي دوام وهوه قاعد على التلفزيون قال تراني مقهور اليوم منك يوم دخلتي علي بالسيارة تقولين من تكلم وليش قفلت قلت له انا سالت عادي قال وتدقين علي وانا عند اهلي تبغين تشوفين انا عندهم أولا. قلت لا انا كنت ارتطمت عليك قال انتي عمرك مابتتعدلين واسلوبك نفس الشي تشكين وتفتشين وراي قلت لا بي عادي وشفيها أذا اتصلت عليك اتطمن انت عندهم ولا باقي برى قال لا تتفلسفين انتي تشكين كالعادة قال خلاص انا بروح انام لحقته هلى اني مبغاه ينام كذا المهم مطنش قلت أكيد اهلك شحنوك علي قام يصيح ويلعني قال الله يلعنك ويلعن اليوم اللي خذيتك فيه اش دخل اهلي ولبس ثوبه ويقول ابعدي انا باطلع قلت الساعة 1 ونصف ويم تطلع وقفت على الباب وهوه يصيح قال طلاق بالثلاث اني مااجلس في البيت هذا الليل وتحرمين علي اذا جلست فيه ويصيح ويقول انتي كذابة ومابتتعدلين كل شوي طالعتلي بسالفة شك ويصيح وطلع وخلاني حتى بنتي المسكينة اللي ب 9 اشهر تطالع بالصياح خافت وقامت تبكي بنات زوجي ماعمره كان كذا يصارخ ويلعن ويتعمد يلعني وهوه يدري اني كم مرة انجرحت من هاللعن بنات انا خلاص احسه مسحور ماعاد يطيقني او يتحمل مني كلمة قلت ليش تلعني انا عندي اهل قال خلاص لعنتك روحي لأهلك وادا عندك كرامة لاتجلسين ويصيح ويقول ابعدي من الباب لأني كنت مقفلة عليه مابيه يطلع وبن يروح في هذا الوقت وين ينام بنات انا تعبت منه إنسان ثاني مو نفس الإنسان اللي تزوجته وعرفته بالبداية من أما جبت بنتي وهوه كذا ماعاد بحترمني يتعمد يجرحني ويصايح وما يبغاني أغار عليه او افتح جواله وافتش من ورآه خلاص انا تعبت قاعدة أرتب ملابسي وملابس بنتي بالشنطة وبانتظر لين يجي من الدوام بكرة واخليه يوديني انا تعبت خلاص ليش يلعني ويصايح علينا حتى لو أسلوبي ماعجبه ليش يصايح علينا هذي مو رجولة وبهذا الليل وين راح بالله عليكم صح واغلط انه يطلع من بيته هالحزة بنات أنا مجروووووًحة مالي الا سنة ونصف متزوجة وعندي بنت عمرها 9 اشهر صح انا ماابي أروح لأهلي وماابيها تكبر بس احس اذا جلست ماعاد لي كرامة وبيصير داءما يصارخ علي يابنات ردوا علي وش اسوي اكتب لكم وانا ابكي وارجف