تبون تعرفون ليه كل من شافني يحسبني حاطه كريم اساس؟؟؟؟؟؟

السلام عليكم ورحمة الله وبركاته ....بنوتات عالمي الحلوات انا جايبتلكم اليوم موضوع هو عباره عن خلاصة تجاربي من يوم اني في المتوسط:27: لين الحين (الحين= معرسه وعندي عيال)وما انكر فضلكم بعد الله فيه اشياء كثير حلوه وفعاله من جد تعلمتها من كم الله يجزاكم كل خير........يالله نبدا الموضوع اول حاجه ابيكم تعرفون ان بشرتي اصلها كانت حلوه صافيه ما فيها عيوب بس ما كانت مشرقه ومشدوده وتلمع مثل الحين (قولوا ما شاء الله ولا ما اعلمكم وشر السر)بس لما تلقفت وشلت وجهي باليزر انعدمت بشرتي صح الشعر راح بس طلعتلي حبوووووووووووووب:icon33: وتخيلوا عاد نفسيتي انا ما عرفت الحبوب في مراهقتي اعرفها الحين ....عاد ما خليت دكتور مارحتله وانواع الكريمات والغسولات وكل ما لها بشرتي تكثر فيها الحبوب تقريبا 6شهور وانا على هالحاله لين قررت اني اترك كل شي وارجع اعامل بشرتي مثل اول بس زدت الاهتمام حبتين وهذا هو سر النضاره والاشراق الي كل من شافني لازم يمدح بشرتي ويتفاجأ لما يعرف اني مو حاطه كريم اساس (ادري اني برباره وحكي واجد بس معليش عشان تدخلون في الجو انا ابي مصلحتكم )وشو عاد برنامجي؟؟؟؟؟اولا:قبل ما انوم لما اكون حاطه ميك اب امسحه بمناديل جونسون الي لونها ازرق وعاد كل وحده تختار منها النوع الي يناسب بشرتها فيه لجميع انواع البشرات ويا بنات انا اكتشفت انها احسن طريقه لازاله المكياج لانها ما تنشف الوجه وانا مجربه انواع كثيره ابتداءمن الماركات العالميه وانتهائأ للي في السوبر ماركت اكثرها ينشف الوجه وعلميا لما ينشف الوجه يزيد افراز الدهون من البشره كوسيله دفاع ضد الجفاف:024: بعدين اعمل سكراب لوجهي بس على خفيف ما افرك بقوه لاني يوميا اسويه من ماركهst.Ivesولما كانت بشرتي فيها حبوب كنت استخدم النوع الي يتحم بالبثوربخلاصه المشمش من نفس الماركه لونه ابيض ولما صفت بشرتي غيرت النوع للي بالمشمش بس للبشره الحساسه لونه مشمشي بعدين افرش اسناني (ادري مالها دخل بس ابيكم تعيشون معي خطوه بخطوه)وامسح وجهي على طول بموية ورد بارده احطه بقطنه وامرره على وجهي ورقبتي بعدين اخلي وجهي مبلل بموية الورد واحط الكريم حق الليل معه عشان تشرب بشرتي موية الورد مع الكريم واحط كريم العيون وانا استخدم ماركه استي لودر مره حلوه واْن غيرت ديور بس يابنات صح هم غالين حبتين بس سعرهم فيهم وانااااااام ....ولما اصحا الصباح قبل اغسل وجهي امسحه بأسكانول بالخيار ياامامير صدقوني تراه فضيييييييييع بس للي يداوم عليه يبيض ويسكر المسام ويشيل اثار الحبوب وحتا امسح فيه ايديني وركبي واكواعي المهم نرجع لموضوعنا بعدين اغسل وجهي بمويه بارده ولا تستهونون يا بنات بالمويه البارده تراها سر النضاره والتورد وتسكر المسام وما تطلع الشعيرات الحمرا تحت الجلد و تشد البشره عموما موبس الوجه وافرش اسناني واتوضا وبعدين امسح وجهي بمويه ورد بارده وبعدين احط كريم النهار ولازم يكون فيه سن بلوك قوي حتى لوماكنتي تطلعين بالنهار لان الاشعه الفوق بنفسجيه احم احم ممكن تدخل عليك من الشبابيك لزقه وراك وراك وكمان عامل الحمايه يوحد اللون واحط كريم العيون وبس ...ولما اطلع الظهر اجيب عيالي من المدارس وارجع برضه امسح وجهي بأسكانول لاني احس انه توصخ من الحر والعرق وارجع احط الكريم مره ثانيه وبس هذا برنامجي اليومي اما الأقنعه الي من جد فادتني واستخدمها تقريبا 5 مرات في الاسبوع فهي :واْلا اقولكم انا احس اني طولت عليكم بخليكم ترتاحون شوي والي تبي تقولي عشان اكمل والي ما تبي او ما عجبها الموضوع بليييييييييييييز لا ترد رد يحبط وتفشلني:29: والله ما ابي لكم الا الخير واهم حاجه يابنا ت تنور الوجه قبل كل شي ذكر الله دائما واذكار الصباح والمساء لا تهملونها وقراءه اخر ايتين من سورة البقره قبل النوم ترى ذكر الله دايم والله يشرح الصدر ويدخل السعاده للقلب وفيه معلومه علميه تقول انه فيه هرمون ما يفرزه الجسم الا فيي حالة السعاده وهو المسؤل عن الاشراق .............وكمان ياحلوات عندي طرق تشرق الوجه عن طريق الميك اب وحيل تخلي الوجه عريض وعندي بلاوي متلتله بس اصبروا علي لاني ما امدح نفسي فنانه في الميك اب المهم الي تبي ترفع ايدها قصدي تقولي وانا حاضره ومع السلامه:icon35: