من محاسن الطلاق لاتحزني شوفوا وش صار بحياتي من نعم بفضل ربي

السلام عليكم
اكيد يابنات الطلاق صعب محد يحبه
بس شوفي تجربتي وحياة قبل وبعد
حنا عايله متوسطه الدخل ميسوره يعني ومانحتاج احد الحمدلله
انا ماقول لكم اني كنت في بيت اهلي مرفهه بس
كنت اي شي يطري في بالي ألقاه واذا مالقيته القى بديل
طبعا انا احكي لكم
بالمعيشه يعني اكل وشرب وملبس وأثاث وسوق وخلطات مكياج وكذا يعني احتياجات يوميه صح كانت تنقصني بس القى دايم بديله
وأرضى بالواقع لاني عارفه اني اقدر ادبرها
الله يخلي اهلي الحمدلله
وبعد ماتزوجت عشت معه سنه شفت العجب
والله يابنات انه كان يسكر ويحشش ويستانس وانا اخر اهتممامه
وحملت عاد
طبعا وانا وحام تهفني نفسي ع اشياء والله ماكان يجيبه ولايعطيني مصروف
الزاد اللي موجود بالبيت
بس رز ودجاج وقهوه وشاي بس
الفواكه جابه مرتين بس طوال سنه
المكسرات ولأغراض القهوه وحلها هههههه اضحك نقد جابها
رمضان مايشتري الا شوربه وسمبوسه وعصير
يابنات ماكان مايقدر بس هو مايبي يجيب لي
اذا سافرنا راح يتصدق على الهنود
طيب وانا
اذا شحنت عشرة جوالي قعد يحاسبني ليش صرفته
قسم الله شفت بخل ماهو بنسان الا هو
وان هبلت ان في ناس كذا
مصروف مايعطيني مية ريال ماقد جت ببوكي
طوال سنه تقريبا شرى لي سبع او ثمان لبسات وبالمنه وبطلوع الروح
اه يابنات منقهره انا وش مسكتني على هالحاله
مسكتني ولدي اللي ببطني
حتى لبس يالله جاب له وامه اللي اعطته ماخلاني اجهز له ولا افرح فيه
وانا أولد بالمستشفى جدة الولد شرت له
وطهاره ماطهره عشان مايدفع فلوس طيب مولازم اهلي طهره بحكومي رافض
وكان مره حالتنا زفت انا وولدي
كنت اتفشل اني اروح لحد بلبس اكثر من مره شافوه لدرجه احس انهم ملو شكلي
حصلت مشكله كبيره بيننا وكان ليلتها سكران او محشش
وتتركته ينام وانحشت لبيت اهلي بيت المحبه
وطهرت ولدي لما كان عمره 4 شهور
ولقيت الحررريه
الحريه يابنات
الحريه اللي فقدتها من سنه
صح موموضفه بس الدوله تصرف لي ضمان ومساعدات ومستحقات واهلي مايقصرون بيت كبير وكل شي متوفر
صح احيان ينقصنا اشياء مافي شي كامل بس اشوى من الحاله اللي حنا فيها قبل
شفتوا يامطلقات حبية بس احكي عن تجربتي لتستفيدو
والله انها واقع لو حكيت بالتفصيل وليوميات انهبلتوا
اللحين اشتري انا وولدي على كيفي والبس ع كيفي وأشتري العاب له ع كيفي
محد يمن علي ولا حد له فضل
وحده ربي كريم بعباده
عشان كذا كتبت عنوان
لاتحزني لان الطلاق قد يكون بداية لحياة كريمه
وبحريه تامه
بعكس كنتي
خدامه جاريه سجينه وفقيره بسببه وبخله
والله اني ادعي عليه واتحسب عليه
كفايه خلى شخصيتي تهتز بس الحمدلله لاني حاولت الوقوف من جديد
فقط
رددو
الحمدلله يارب
اجمل نعمه على الانسان
الامان وراحة البال والسكينه والصحه
الحمدلله يارب