ارحمني يارب :

شوفي ياقلبي.. اول ماصارت لي السالفة ما بقى صفحة في النت ما قريتها عن الشعر ..واكتشفت اغلاط في معاملتي له.. فأولا فيه قواعد طبعا الكلام هذا للشعر الجاف التالف فقط.. كثرة غسيل الشعر تتلفه اكثر..ما يغسل بالشامبوا الا مرة اسبوعيا..واذا تحبين تغسلينه اغسليه بموية وماسك فقط.. طبعا بتتضايقين اول اسبوع لكن فكري ان شعرك مريض ويبي له معاملة خاصة.. خلي معاك بيالة في الحمام تحطين شوي شامبوا والباقي موية..وتخلطينها وبعدين تستخدمينها.. ركزي في غسيل الشعر بالشامبو على الفروة ودلكيه بأطراف الاصابع وليس الاظافر وبنعومة..حتى تتأكدين انه نظفت الفروة وتستمر نظافتها اسبوع علشان تتجنبين القشرة من قلة استخدام الشامبوا..وباقي الشعر مرري اصابعك فيها كأنك تمشطينها علشان ما ينشفها الشامبوا اكثر..ولا تجمعين الشعر على راسك ابد خليه على فلته علشان ينظف زين ولا يتساقط.. بعدين اغسله واستخدم الماسك..هذا عن ميه خلطة فايدته.. باقي الاسبوع اذا تبين تغسلين شعرك اغسليه بموية فقط وبعدين نشفيه بالمنشفة..حطي ماسك وحركي خصلة خصلة بين يديك لين تحسينها لانت ..روحي لخصلة ثانية..واصبري خمس دقايق وبعدين اشطفيه زيييين .. اخر شطفه دايم موية بارده..تسد المسام وتعطي لمعه.. بعد الحمام اكبس الفوطة على الشعر كبس ولا افركه..واخليه مفلول ربع ساعة تقريبا,,حتى تبدأ الفروة تنشف..ما تمشطيه ابدااا وهو مبلول.. في هذا الوقت اشيل جسمي بالبراون ..احب اشيله اول باول..وادهن بخلطة سهلة(علبة فازلين صغيرة+قارورة جلسرين سايل+قارورة زيت لوز مر+علبة جليسلوليد)..اول ما تحطينها تحسين انها ثقيلة بس خمس دقايق تشربها البشرة...وحدت لون البشرة عندي وشالت الخطوط اللي بعد الحمل..بس الخطوط القديمة خفت ما راحت تماما..وطبعا النعومة لا تتخيلينها..واستخدم الخلطة قبل النوم لايديني وقدميني فقط..لان اثرها يبقى على الجسم لحد الترويشه الثانية..ما تحتاجين تدهين كل شوي.. بعدها..اقسم الشعر قسمين واحط السيروم..وبعدين اخلط كريم مع سيروم ونقطة بالمرز وادهن فيها الجهتين ..واذا الشعر ما غسلته بالشامبوا ما احط بالمرز.. اقسم شعري ..الغرة..ومن ورى 4 اقسام بالطول والعرض..والتقسيم يكون بالمشط المخصص وبشويش لا يتقطع الشعر..ودايم وابد ..لاتشدي شعرك او تبرمينه بقوة او تمشطينه من فوق لتحت غلط.. اذا مستعجله شغلي الاستشوار على الحرارة المتوسطة(الباردة تسبب الصداع وتهييش الشعر..والحارة مضرة وتقصف بس المتوسطة تسوي تأثير المساج بدون ضرر..انا استخدم براون فيه 3 درجات حار+باد)وسلطيها من بعيد على الخصلة.. اذا قاربت الخصلة تجف ..يعني في المرحلة بين الجفاف والنفشة..احط شوي سيروم وابرم الخصلة على روحها بدون عنف والفها كأني الفها على بكره واثبتها ببنسه..احيانا الفها عللى بكره بس قريت انها تسبب التساقط.... اخلي البنس لين تجف تمام ولا بيرجع الشعر ينفش..او فكيها بس لا تفرطينها لين تجف.. اذا تحبين شغلي عليها هواء الاستشوار اسرع .. اذا جفت افكها وبالابهام والسبابة من كل يد افككها..تصير كيرلي حلو.. الغرة ممكن تستشورينها ولا تقسمينها بالطول وتلفينها مثل الشعر وتصير فرقه كيرلي وتزينينها ببكلة ولا تخلينها مطلقة.. افضل مستحضرات للشعر التالف هي الخاصة بالشعر المفرود لانها تعالج الكسور اللي فيه..وعللى رأسها لوريال بروفيشنال .واسعارها معقولة بس عيبها ما تلقينها الا بالمشاغل.. انا اخذت منها الشامبوا ..خطير ينظف بدون جفاف.. ..والماسك.. ..وانت تستخدمينه تحسين الخصلة ذابت من النعومة.. والسيروم..كأنه موية ..ما يدهن ابد بالشعر ويحميه من الاستشوار والشمس.. والكريم..نفس الشي ..مو دهني بس يعطي ملمس رائع للشعر كأنه ناعم خلقه .. وانا اضيف بالمرز بعد غسلة الشامبوا فقط لانه دهني وثقيل يعطيه حماية للاطراف.. المجموعة ريحتها حلوة ..واسمها ليس اكستريم..وكثير يمدحونها.. كل جمعة ..اذا راح زوجي للصلاة..اسوي خلطة..مايونيز+صفار بيضة+زيت نارجيل+زيت لوز+زيت سمسم(ناوية ازيد خروع او نخاع )وكنت اضيف اول زبادي بس حسيته نشف شعري فبطلته.. اسوي مساج 5 دقايق.. اقسم شعري بالمشط كأني اصبغه واحط من الخلطة ولا اقرب من الفروة كثير لان البخار بيدخله فيها ما تغطين شعرك باي شي هذا اللي يخلي الشعر ينكتم ويتساقط.. ..وبعدين اجلس تحت البخار ثلث ساعة..(اكون مشقرة حواجبي..واجلس انظف اظافيري ورجولي تكرمين)..وبعدين اخليه يبرد ربع ساعة علشان تنسد المسامات.. ..بعدين اتحمم يالشامبوا طبعا..والف شعري بالطريقة اللي فوق واسلط عليه الاستشوار هواء علشان ينشف بسرعة..واتبخر.. واذا جاء زوجي لا من شاف ولا من شم....هههه.. ولا تكثرين من استخدام الخلطات والبخار اكثر من مرة في الاسبوع تسبب التساقط اكيد..وبتطفرين اول شي وبعدين تملين وحنا نبيه نظام للحياة دائما.. طبعا الشعر ما يتحول من خشن لناعم بخلطات طبيعية او من ناعم لخشن كذا ..لازم فرد.. او تجعيد.. لكن سواء قررت او ما قررت تفردي..استمري على البرنامج ..لانه بيخلي شعرك صحي ,,ويتحمل معاه المعالجة الكيميائية..فرد ,صيغة.... واذا بتفردي لا تفردين الا لوريال اكستنسوا..لانها بتتيح لك فرصة الاستشوار او التجعيد..وبتسمح لك بالوقت نفسه تبقين كيرلي مؤدب بطعجتين طبيعيات ..في الدوام والبيت..على الاقل تضمنين عدم التساقط..واذا طلع شعر جديد ما تكرهين شعرك المفرود..واسعاره مره معقولة(ناوية عليه اذا تعدل شعري..ما تأدبت من المغامرات) ولا تنسين..4حبات زيت كبد السمك+حبه ستريس تايبل ويذ زنك..يوميا ..حطيها على البراد علشان ماتنسينها.. والله يمتعني واياك باحلى شعر يارب العالمين..وعذرا على الاطالة..

شوفي ياقلبي.. اول ماصارت لي السالفة ما بقى صفحة في النت ما قريتها عن الشعر ..واكتشفت اغلاط في...