بنتي انخطبت ؟؟؟و تورطت

رفع لعيونك والله يتمم عليكم بخير

رفع

اولا الله يكتب اللي فيه الخير

أهم شي يالغلا ما تصير شوفه الا بعد ما تسألوا عن الولد ..

بس ممكن تقولي لها الله يحييك تعالي نتعرف على بعض واذا عندك بنات يجون معاك ..وضيفيهم عااادي مثل اي ضيوف حتى تعرفي امه وخواته طباعهم اشكالهم ايش في خاطرهم واسألي اللي تبغين عااادي وهما كمان يشوفوا البنت ..والرجال يستقبلوا الولد وابوه ...بدون شوفه ..عشان يشوفوا الولد كيف تعامله وكلامة مع الناس وشخصيته ...

أسألوا عن اسم الولد كااااامل ووين يشتغل .. وهم ساكنين بأي حي ...وعادي تقدري تقولي لها بنسأل عنكم وانتم اسألوا عنا والله يقدم اللي فيه الخير ...وقولي لها بيننا اتصال إن شاء الله ...وأسألوا في الحي عن بيتهم وشوفوا اقرب مسجد اسألوا عنه وعن العائله ..وكمان في شغله واذا ابوه يشتغل كمان اسالوا عنه ..اذا تعرفي احد بنفس اللقب قصدي القبيله او شي ممكن تسألي اللي تعرفينهم عنهم يمكن يعرفوهم او زوجك في العمل يسأل اذا حس فيه تشابه في الالقاااب ..

وبعدين مع الاتصالات طبعا تحددوا الشوفه وعلى اساسها تتكلموا عن المهر والزاج وغيرة

أسألوا عن الولد بمكان شغله .. وفي مسجد الحي .. أسألوا الإمام ..

وحاولوا تعرفوا عنه كل شيء .. وبرضوا أسألوا عن أهله .. أمه و أخواته ..


وبعدين أكيد يعرفونكم أو شايفين البنت .. مو معقولة يخطبون وهم ما يعرفونكم ..



وأهم شيء أسألوا عن صلاته .. وأخلاقه .. واخلاق اهله .. وبعدين شوفوا الأمور الثانية ..

وخلي بنتك تستخير ..


وربي يكتب لها الخير ..





مع كل الود ............................. :)

قولي لها حيااك الله واذا جو حييهم وإذا ارتحتوا لهم

خذي الاسم كامل وأسألي عنهم وبعدها يجونكم رسمي

والله يكتب لكم الي فيه الخير يااارب