الي عندها غسالة صحون او ناويه تشتريها ... تتفضل

مرحبا يا حلوين


انا عندي مشكله صغيره بصراحه يدي جداااا حساسه ولمن اغسل المواعين على طول تتجرح وتألمني ماعرف من ايش تنجرح مع انه مافي قزاز مكسر ولا شي الاقي زي الخدوش صغيره في يدي
وغير كذا لمن اغسل مواعين كثيره مفاصل اصابعي توجعني لاني اغسل بقوه ههههههههه بذمه وضمير يعني انتهي من الغسيل والله اصابعي ومفاصلي كلها تألمني
ويدي صايره جافه جدااا خصوصا اني بعد ماانتهي من المطبخ على طول اغسل يدي بالصابون واجففها و ارطبها وقبل النوم ارطبها واي وقت فاضيه ارطبها يعني مو مقصره في الترطيب




المهم اني ناويه اشتري غسالة صحون لاكن ابي اعرف عيوبها لاني مابي اشتري واتوهق فيها بصراحه
وايش افضل نوع غسالات صحون والاحجام ؟؟
ومثلا اذا انتيهت من الاكل ونظفتها من بقايا الاكل لازم اشطف الصحون بمويه وبعدين ادخلها داخل الغساله ولا عادي ادخلها بدون تشطيف
لاني ناويه اني اجمع كل المواعين فيها وقبل انام اشغل عليها يعني بتقعد مثلا من الصباح لليل لان استخدامي للمواعين قليل كلها كم صحن وكم كاسه مو كثير


ياليت تفيدوني الله يرضى عليكم