السلام عليكم
كيفكم يابنات
اليوم عملت لكم حنيذ
طبعا كان مره لحم ومره دجاج
روعه ياريتكم كنتم معي
لكن يلا هذه الطريقه واعملوها وشوفوا كيف الطعم ياسلام ياسلام
اولا نبدا بالدجاج غسليه زين وحطي في صحن هذه البهارات ملح وفلفل وكمون وكركم وهيل مطحون ناعم
واخلطيهم زين وبهري الدجاج وحاولي تعملي فتحات بالسكين عشان البهارات تتدخل لداخل
وبعدين جيبي القصدير وحطي الدجاج فيه
وطبقي القصدير وحاولي يكون مغطى زين
كذا انتهينا من الدجاج
سهل كثير صح ؟؟؟
نجي لعمل حنيذ اللحمه
طبعا نعملها بهارات زي الدجاج تماماَ
وبعدين نجيب صينيه وياريت لو تكون تيفال وخلي فيها ماء الى المنتصف
وخلي اللحم في الوسط
وغطيها بطبق محكم
وخليها اولا على نار عاليه وبعد ساعه خفضي النار وافتحي عليها شوفي لو نشف الماء زيدي عليها ماء
الدجاج خليه من ساعه الى ساعه ونصف حسب حجم الدجاجه
واللحمه خليها ساعتان ونصف لو هي طازجه ولو هي مثلجه بصراحه مالي خبره يمكن تحتاج وقت اكثر
على فكره لو في معاك فخار بيكون حلو
خلي الحنيذ فيها وخلي فيه ماء الى المنتصف
وقدميه مع الرز الابيض بالبهارات
وبالهناء والعافيه
ويارب يكون عجبكم الطبق
زهرة النرجس 99 @zhr_alnrgs_99
كبيرة محررات
يلزم عليك تسجيل الدخول أولًا لكتابة تعليق.
أوشن دريم
•
مشكوره شكله سهل ولذيذ تسلمين
اختي أوشن دريم شكر على مروركاختي أوشن دريم شكر على مرورك
اختي:26: مشاعر90 :26: شرفني مرورك
الصفحة الأخيرة