لبنات الشرقية ابغى عناوين المحلات اللي تبيع ادوات الهدايا

رفع ان شاءالله البنات يفيدونك

محل الافكار الذهبيه في سوق الدمام عنده اشياء جدا رائعه ورخيصه

غالي شوي الافكار الذهبية مايرضى يبيع بالجملة

انا ابغى محل يبيع بالجملة

اهلين حبيبتي


بالنسبه لعناوين محلات الصراحه ما عندي خلفيه عندكم بالشرقيه


لكن اللي اقدر افيدك فيه

هو تجربتي مع التغليف والتوزيعات وهذي الشغلات

يفضل ان راس مالك يكون كويس وما تستهلكينه كامل في البدايه

ولازم تكونين مطلعه على الجديد لان كل يوم تطلع افكار احسن من اللي تعرضين
فراح تتعبين من التطوير وتجديد الافكار وتتعبين اكثر من تجميع الاغراض اللي تحتاجينها في البدايه

وغير كذا لازم تشتغلين في محيطك اول
قبل ما تغامرين وتفتحين محل او تستأجرين طاوله في مكان عام او ما شابه يعني جربي باهلك خواتك او عماتك وخالاتك قبل ما تعرضين في اي مكان وتقبلي اراء الجميع واعرفي ان انتقاداتهم ولو كانت قاسيه الا انها تفيدك بالمستقبل

وبعدين حطي في بالك ان الربح ماراح يجيك على طول يعني اول وثاني الى عاشر تجربه مو دليل على نجاح مشروعك او فشله
لازم تحطين الخساره في بالك وتحسبين حساب لها

عشان حتى لو لا سمح الله خسرتي ما تكوني ضيعتي راس مالك كله وتندمين

عموما الله يكتب لك اللي فيه الخير ويرزقنا وياك بالرزق الحلال

واي استفسار او سؤال تحبين افيدك فيه انا حاضره حبيبتي

اختك بوينت

للرفع