أبشركم بشاره ياللي كروشكم كبيره

مساء الورد يابنات

انا جايه ابشركم بشاره للي كرشها كبيره ابيكم تستانسون مثلي لاني بعد حملي الرابع ربيت بقيصريه وصارت لي كرشه الله لايرويكم صار شكلي غلط :06: والله يابنات اني اتفشل من زوجي لما البس قميص نوم وزوجي يقول ياحليل كرشتج كبرانه ، المهم مالكم بالطويله عازه


انا سمعت وقريت عن خلطة الكمون والزنجبيل وقشر الرمان والليمون ، في البدايه تخوفت من كلام البنات اللي تمدح واللي تذم لكن انا كنت بايعتها كلش وما جدامي الا خيارين اما الخلطه والا عملية الشفط ، زوجي عارض على العمليه وخوفني وقال انا قابلج ومستانس بكرشتج لا تسوين العمليه
انا ادري انه كلام من ورى قلبه وانه مو مستانس بكرشتي لكن من خوفه علي وتبون الصج امي وابوي وخواتي عارضو اني اسوي العمليه وخوفوني

فقلت خلني اجرب هالخلطات لعل وعسى تروح كرشتي ، سويت الخلطه وحطيتها كلها مخلوطه بغرشه وكل ليله قبل النوم احط ملعقه من الخلطه واحط نص ليمونه واصب عليهم ماي حار واغطيهم والصبح قبل لا اشربها ازيد على الخلطه ملعقه خل التفاح واشربها

صار لي الحين 3 اسابيع والله وبالله يابنات احس انتي مو مثل قبل صحيح الخلطه سببت لي في البدايه اسهال وانتوا بكرامه لكن والله والله والله حسيت بفرق


وبعد كنت قبل لا اقوم من فراشي الصبح كنت اشفط بطني على داخل واكررها 50 مره

وكنت قبل النوم احط خل التفاح على كرشتي بس مو بأنتظام
اوقات مايكون زوجي دوام ليل فقط

صج تخوفت من الخل ومن الكلام اللي قريته هنا في المنتديات انه يضر اذا سوت الوحده عمليه وووو فقلت بسأل دكتوري حق الولاده ولما سألته قال لا بالعكس عادي استعمليه
فتشجعت والله من كلامه وراح الخوف


يابنات انا حطيت تجربتي عشان اللي عانت مثلي تستفيد وما ابي منكم الا دعوه حق أولدي خالد:04: اللي صاده شلل وكل مايشوف اخوانه يتحسر يبي يمشي ويركض معاهم تكفون اذا استفدتوا من تجربتي لا تنسون خالد


احبكم في الله

:27: