اليوم طلبت بنتي واصرت علي اني اسويلها كيكة سبونج بوب وصراحة كانت مغامرة بالنسبة لي
اتمنى منكم
ابداء رأيكن واعطائي تقييم وهو سيكون من 5 نجوووووووم فكم سيكون تقيمكن لي وكم استحق نجمه بدون
مجامله واتقبل النقد بصدر رحب
ماشاء الله تبارك الرحمن
وهذي كيكت بنتوتتي جود
وهذا وهو مبسوط على السفرة مادرى انه بيروح في خبر كااااان خخخخخ
طريقتها جدا سهلة خلطة كيك جاهز بيتي كروكر أو العلالي تسوينها زي ماهو مكتوب في الكرتون وتتركينها تبرد
تسوين دريم ويب مع قشطة بكمية شوي كبيرة وبعدين تقسمينها ل5 أقسام وتشوفين الكمية اللي تحتاجينها
زي مثلا الشوكلاتة تزودينها شوي هي والأصفر والأبيض اما الأزرق تحطين شوي في فنجان القهوة هو والأحمر
وبعدين تشكلين الوجه بعود الأسنان بعدين تحطين الألوان وبعدين تحددين العيون والفم والباقي بشوكلاته غامقة
انا استعملت الهيرشي حطيته في ابرة حقت الدواء وحددت العيون والفم وملابسه
اما الألوان
الأبيض ريم ويب سادة
البني شوكلاتة مرة تخلط مع الدريم ويب
الأصفر كريم كراميل مع دريم ويب
والأزرق لون صناعي مع الدريم ويب بس فيه بنات كاتبين انه اخذو حلاوة ام اند امز واخذو اللون الأزرق وخلطوه مع الدريم ويب لمن طلع اللون
والأحمر نفس الأزرق لون صناعي
وحطي في قوقل كيكة سبونج بوب وحطي على الصور وطبقي الرسمة من اللاب
ويشرفني مروركن على متصفحي ودعواتكم براحة البال وان الله يحفظني انا وأولادي وزوجي .....
