اللهم صل وسلم وبارك على نبينا وشفيعنا وقدوتنا محمد ابن عبدالله

والله اني بين اقرى وابكي مش عشان شي بس لاني لا عشت في السعودية ولا عشت في اليمن الا سنة واحدة و انا صف خامس
بس سبحان الله احب السعودية من امي ولدوا هناك اخوالي وتربت طول حياتها في السعودية وتحبها قوي و لما رجعت اليمن عاشت 5 سنوات و تزوجت يعني ما تعرفش عنها شي وانا ولدت في غير بلدي (في اوروبا ) بس سبحان الله احبها ولا دولة بعد بلدي احبها كثر السعودية رحتلها حج و عمره ولما سافرنا جلست ابكي في المطار كاني مفارقه بلدي
بس زعلانة على الي بيصير فينا احنا اليمنين يتقطع قلبي على اليمنين الي اغلبهم باعوا بيوتهم عشان يترزق مال حلال مالقش في بلده بسبب حكومة حرامية مثل حكومتنا لا وفرت وظايف ولا سترت عيالنا اين يسيروا يموتوا من الجوع ولا ينتحروا جوو عند اخوانهم سدو في وجوههم الباب انا ما انكر ان في ناس كويسة و تحب الخير لليمنين ولو عليها كل هذا ما صار لكن ليش الان ؟؟انتم شايفين وضع اليمن فوق عشرين الف يمني ترحل من السعودية و اتفاجا الي عيجي يسد بقعتهم علي عبد الله صالح لا صلحله الله عمل ضيف شرف معقولة الي سرق بلدنا يسير هو يعيش في احسن حال واليمني مستكثرين عليه اللقمة الارض ارض الله الواسع والرزق مشو محدد لحد الله قال في محكم كتابه :هُوَ الَّذِي جَعَلَ لَكُمُ الْأَرْضَ ذَلُولًا فَامْشُوا فِي مَنَاكِبِهَا وَكُلُوا مِنْ رِزْقِهِ ۖ وَإِلَيْهِ النُّشُورُ
حتى المقيم وهو ارواقه سليمة قطعولهم البطايق نصين والي قتل واحد برصاص ليش كل هذا هذا جزاء الاحسان محد بيمن عليكم بس قدروا وضع الناس الدنيا دواره يوم لكم و يوم عليكم هذا الي وصى الرسول فيه ؟؟!
وين هذا القرار من زمان يعني تشتوا تفهمونا ان الفقر والبطالة سببها الوافد الله اكبر : ياعالم مساحة دولتكم اكبر من دولتنا ماشاء الله تبارك الله الله يحفظها لجميع المسلمين والحمدالله من اغنى الدول اين كل هل المساحات عندكم ما تسثمروها للمواطن عندكم اينوا ما يشتغل ؟ والتي تقول عندنا كفاءات وخبرات والنعم بس ايش تقول !زبال و عامل نظافة شوية صعبة وقوية !!!
ليش الي حتستقدموه حيوان ماهو بني ادم زيكم والله العظيم ان حكموتكم قادرة تشغل كل العاطلين والمحتاجين بدون ما تطلع وافد واحد بس الشكوى لله
هذا عتاب لاخواتي الي دخلت صفاحتهم و لقيت انواع الشماته <احسن <و يستاهلوا <وين هل القرار من زمان و لا هو حقد ودفين ولا كره و بغض انا مازلت اكن احترام لاهل السعودية و يعلم الله كلامي هذا مو مجاملة و لا تمسيح جوخ بس من القهر تكلمت ولا انا ما اتمنى لكل دولة مسلمة الا كل خير ويرزقها الله من فضله ويزيدها غنى وانا مو ضد ان كل دولة تعدل قرارتها وانظمتها بس راعوا اخوانكم في الجوار شيلوا نظام الكفيل ما جاب الا المصايب سحب فلووووس لما قال بس وتبرى من مكفوله مو حرام