بنات قطر....آبي مساعدتكم

افاااااااااااااااااااا ولاوحده منكم ردت علي....الله يسامحكم

الغالية
الكيان المجهور
قولي لي بالتفصيل وش تبين وأنا حاضرة؟؟
وألف ألف مبروك ياعروستنا الحلوة وياربي تتهني

هلا .. من تجربتي :
منها الحمام المغربي والحف :
نعيمة في صالون حلا
والمساج : امممممم ما قد جربت بس اعتقد في باريس نيلز اللي بالاند مارك وبعد في محل كوتاكل اعتقد اسمه الوالده كانت تروحه وتمدحه وايد
والحنه : زبيدة بس لا تاخذين الحنا من عندها اخذيه من زهور وعندج رحاب حلو بعد بس غالي
اممممممم صالون الفنون ويمدحون نسرين وانا ناوية احجز عندها حق عرسي
وحمامات الزيت للشعرمدري ما قد سويتهم برع
،وابي بعد محل مميز لمسكات العرايس. جورج اللي في كازا فلورا شارع سلوى

امممممممم واي شي ثاني تبينه حاضرة بس طرشيلي على الخاص لاني انسى :)

بنات في صالون اسمه ريتشي للسيدات في المطار اعتقد مكانه عندهم حمام مغربي بدهن العود او المسك .. شكله حلو . انا ماجربته . وسعر اللي بدهن العود 360 ريال والمسك 280 ريال اعتقد لاني يوم قريت اعلانهم في الجريدة اتصلت فيهم وسالتهم .

وعندج المشاطه عندهم حمام كيلوبترا روعــة وهو معروف للعرايس :)

والمسكات مثل ماقالت اختي .. كازا فلورا .. جورج خطير وانا ماتعامل الا معاه

الحناء : نسرين صاحبة صالون فنون حناها هندي ودفش مايعجبني ..
رحــاب ولو انه غالي بس يستاهل حق لليلة العرس :)

الحف : امنه في صالون رموش يدها ماشاءالله خفيفة وتاخذ جسمج كامل في يومين لو حبيتي اليوم الاول حف والثاني تنظيف للشعر اللي ماشافته وهي تحف لج . وحتى للحواجب بعد فنـــانه والله

حمام الزيت: صالون سوابل عندهم اشياء حلوة للشعر

تنظيف بشرة او المساج : صالون بــاريس في مجمع اللاند مارك بصراحه ترتاحين نفسيا عندها من الجو اللي تعمله شموع وورد تحتج وفوقج ويمينج وشمالج ماراح تندمين عندها

وربـــــي يسعدج ويوفقج ويهنيج :) ويرزقج الذرية الصالحة

(((ام عبادي)) مشكوره الغاليه وجزاج الله خير


((كلاسيك)) فديتج مشكوووره وبحجز عند زبيده لان رحاب هي اللي حنتني حق خطوبتي..الله يوفقج ويسخر لج الذريه الصالحه



((الريم))مشكوره فديتج...بس صالون سوابل في وين.؟؟؟؟بعد العيد بروح صالون باريس وبجرب عندهم