انا في حيييره وش الافضل من رايكم ؟؟

السلام عليكم
بنات وامهات اتمنى تساعدوني في الحيره الا انا فيها ..ولدي كمل ٥ سنوات وهو الان يدرس في الروضه مشكلته التأتأه شوي ..و عدم النطق السليم لبعض الحروف اواغلبها بعد يعني غالبا لما يتكلم يسألوني شنو يقول ..كان امنية ابوه انه يدرس في العالميه على اساس تكون عنده لغه انجليزي ممتازه فالسنه الماضيه حاولت اسجله في روضه تدريسها كله تقريبا انجليزي لكنهم رفضوه لانه نطق بالعربي غير واضح فانصحتني الاخصائيه النفسيه ان مايدرس انجليزي الا بعد مايتكلم العربي بطلاقه فاضريت اسجله في روضه كلها عربي والان بتكمل السنه على دخوله وللان النطق غير سليم وللعلم اني وديته عياده تخاطب وعملنا جلسات وللان مع انه تحسن .. والمفروض السنه هذي اسجله في المدرسه للعام الجديد لكن مابيه يروح المدرسه وهذا وضعه ولانه نطقه بهالشكل صار مايرضى يحفظ شي فالاغلبيه الا معاه في الروضه حفظوا اناشيد وسور قرآنيه وهو لا .. لذالك مابيه يدخل المدرسه وخاصه ان بيكون اصغر واحد تقريبا رجعت مره ثانيه على اساس بسجله في الروضه العالميه الا رفضوه السنه الماضيه قلت يمكن يقبلوه هالسنه الا نفس الوضع رجعت البيت محبطه متضاايقه مرره ..ونصحتني ان مش بالضروره يدرس في عالميه وكل الا صاروا بمناصب تخرجوا من مدارس حكوميه .. المهم اني تضايقت والحين لقيت روضه ثانيه تدرس انجليزي بنسبه ٨٠٪ تقريبا لكني خفت واحترت بين اني اخليه مره ثانيه هالسنه في نفس الروضه الا هو فيها اشوف تعليمهم حلو للعربي .. لكن مابقدر ادخله عالميه كونه ماتأسس ولا يعرف انجليزي او اني احاول ادخله روضه الا اغلبها انحليزي لكن خوفي مايتطور في النطق وهذا يهمني عشان لا يتعب ولا يتحسس لما يروح المدرسه هو حساس جدا لدرجة ان اذا حس ان مافهمنا عليه يتضايق ومايرضى يعيد الكلام .. ويتهرب بعض الاوقات لما احاول اعلمه واخليه يحفظ .. شنو من رايكم اتنازل واشيل فكرة اني اخليه في عالميه ؟ وخاصه اني ماعندي لغه اصلا لكنيافكر في مصلحته والا اخليه في روضه عربي وبعدين مدرسه اهليه ؟