تفضلو وقولو تجاربكم مع الولاده القيصريه

هلا أختي الغاليه
والله يقولون الطبيعي احسن وناس يقولون القيصري احسن .. بس الي ماجرب القيصيري يسجد لربه شكر .. الصراحه خفت من الولاده والسبب العمليه
ولدت ولدي بعمليه .. تحسين منطقه الي تحت السره ميته لانك حتى لو تضغطين بيدك ماتسحين ويستمر هالشئ تقريبا لسنه ( انا عندي جذي)
وبعدين ماتقومين من السرير اول يوم وتكرمين يدخلون من تحت (بربيش) مثل الهوز حق المغذي لتصريف البول تكرمون ..
وبعدين صعب تكحين وتعطسين تخافين ينفتح الجرح
وماتقدرين تنامين على الجوانب يعني ينقص ظهرك من النومه .. انا عشرين يوم الين قدرت انام على الجنب طبعا لاني كنت خوافه واخاف من اي حركه احس العمليه تفتح ... هذا كوم وشيل الغرز كووم يالهووي ..
وانا ولدت برمضان تقريبا بعد اسبوع طهرت تصدقون هههههههههههههههه
يعني الدم كان خفيف جدا .. بس الدوره الي بعد الاربعين كانت عجيببببه تكووون خفيفه حييييييييييل وتطول انا استمرت 10 ايام وتكرمون ماكان ينزل الا نقط بس
وبعدين لاحظت ان ذاكرتي وتركيزي ماااش مو مثل اول وطلع ان للبنج تأثير هذا غير الاكتئااب
<<< شكلك عقدتي البنت ههههههههه المهم يالغلا سلامتك وسلامه البيبي لمن تشوفينه تنسين الالم والعوار

بس للمعلوميه .. سمعت ان القيصري نسبه انجابهم اقل لانهم يخافون على الام هل هالشئ صحيح :(

انا ولدت قيصري ببنج نصفي و طبعا البنج النصفي احسن من الكلي و طبعا الالام بعد العملية فظيعة بس المسكنات بتهديها او يومين بيبقى صعب عليكي تقومي من السرير لوحدك محتاجة حد يسندك و طبعا التقلب اثناء النوم صعب لكن بعد يومين بتبتدي تمشي عادي طبعا في الم بس بيخف و بيشيلوا الخيط بعد اسبوع و طالما اهتميتي بنظافة الجرح بيخف بسرعة بالنسبة لي قعد عليا الدم 60 يوم بس كان خفيف و ايام ما كانش فيه دم خالص بالنسبة للاخت اللي بتقول ركبوا لها قسطرة للبول انا الحمد لله الدكتورة ما ركبتها لي قالت لي انها مؤلمة و الحمد لله بتعدي التجربة بخيرها و شرها بالنسبة لي اعتقد ان القيصرية افضل خاصة اذا عملتيها قبل ما تحسي بالطلق انا طبعا ما حسيتش بالطلق بس خفت من الولادة الطبيعية من حكايات البنات و ما تنسيش ان الولادة الطبيعية بيفتحوا برضه المنطقة الحساسة و بيخيطوها و بيتهيا لي ان الجرح في المنطقة دي بيبقى اصعب الله اعلم يا ريت لو واحدة ولدت طبيعي و قيصري تقول لنا ايهما افضل

السلام عليكم ورحمة الله

انا ولدت مرة وحدة طبيعي

بعدين ولدت قيصريات

الحقيقة احيان اقول ان الطبيعي افضل واحيان العكس

ولكن باقول لكم محاسن كل وحدة ومساوئها

الطبيعي رغم كل الألم اللي فيها الا انه ألم الساعة يعني بمجرد ماتولدين تنتهي آلامك الا من بعض تقلصات الرحم وهذي في القيصري كمان ومع المهدئات ماتحسين فيها وخلال 3 ايام تكون انتهت

نجي لمشكلة الخياطة في المنطقة الحساسة هذي يدوم المها تقريبا اسبوعين تحتاج لحرص شديد اثناء المشي وحركة خفيفة وانصح بانك ماتفكيها عند الدكتورة بعد اسبوع لاااااا بل اتركيها تنفك بلحالها خلال 3 اسابيع المهم دائما اجلسي في موية وملح فقط لان احيان تفكها الدكتورة والجرح باقي ما التأم وسبحان الله ناس يلتئم بس طبيعة الجلد تختلف من مرة لمرة

طبعا بعد الولادة ولما ترجعين تمارسين حياتك الزوجية تصيرين حررررررررريصة على هالمنطقة اكثر من اول في ( ) اكيد فاهمين ...ليش ؟ لان فيه جرح مو زي قبل سليم يعني منطقة سبق لها انجرحت سهل تنجرح مرة ثانية

لكن ارجع واقول ان الولادة الطبيعية راااائعة يكفي انها من تساهيل الله سبحانه وتعالى

القيصرية وما ادراك ما القيصرية طبعا ماتحسين بألم الولادة لكن بعد ماتفوقين اول شي تجيك كحة سببها البنج ( للتخدير الكامل ) وهالكحة متعبة ومخيفة لانك تحسين لما تتنفسين ان الجرح بيفك فما بالك بالكحة
طبعا هو مابيفك بس ألم وخوف
نجي للتخدير الجزئي طبعا مايخفاكم انه عن طريق ابرة الظهر وهذي مايجيدها جميع الدكاتره لانها خطيرة في مكان خطير اي غلطة فيها تعود بنتائج لاتحمد عقباها يعني بصرااااااااااااااااااااااحة انا افضل البنج الكلي

بعد الولادة ماتقدرين تمشين لان الجرح مو سهل تقريبا تحسين جسدك مقسوم نصين حتى وان كانت مساحة القيصرية ماتتعدى 10 سم اذا ماكانت اقل ولكن لانها شي غير طبيعي
ولكن ضروري تمشين ثاني يوم بالكثير ولاااازم تمشين وظهرك مستقيم عشان مايلتئم جرحك ويشد الجلد من جهة البطن وظهرك محني

اثناء الاربعين وخصوصا قبل تفكين الخياطة تتعبين لما تشيلين البيبي ترضعينه لانك تحسينه يضغط على بطنك
بعد الأربعين تبقى منطقة الجرح مافيها احساس ممكن شهر وممكن سنه وممكن اكثر
تحتاج القيصرية الى رعاااااااااااااااااااية مدى الحياة لانها تلتهب لمجرد بذل جهد عالي شوي
لو تعرقت منطقة الجرح تلتهب وتصاب بحكة ودائما طول عمرك ماتدفين شي ثقيل ولا تشيلين شي ثقيل حفاظا عليها

اما بالنسبة لعدد الولادات فطبعا الطبيعي غير محدود مادامت الام بصحة جيدة
اما القيصرية فيتحكم فيها جدار البطن وليس الرحم
لان الرحم الياف تبني وتتجدد اما جدار البطن فهو يحدد هالامر لان الجدار يتأثر بالقيصريات وهناك من يحتمل جدار الرحم الى سبع وثمان وعشر قيصريات وهناك اللي يمنعها الطبيب من الحمل بعد القيصرية الرابعة
بالنسبة للطهر من الدم بنهاية الأربعين مادمتي تهتمين بنفسك والفرق ان كمية الدم بعد القيصري تكون اقل لان الرحم تنظف اثناء العملية
وللمعلومية <<<<<

قيصريتين <<<<<<<< مافيه بعدهم طبيعي لانها تعتبر مغامرة بحياة الام والجنين يعني اللي مسوية قيصريتين لاتفكر تجرب الطبيعي وما اعتقد طبيبها بيسمح لها

نص هالمعلومات مبنية من نصائح اطبائي لي ونصها من تجربتي الخاااااصة

وكلاهما صعب ومتعب

ومن هنا يبدأ مبدأ الجنة تحت اقدام الامهات

اسأل العلي القدير لي ولكن اليسر والسهولة في الولادات وسائر امور الحياة
وأساله لي ولكن الذرية الصالحة البارة

وسامحوني على الإطالة

بصراحة خوفتوني من القيصري...:(

و انا مستناسة على روحي بطلب قيصري اسهل:30:

خلاااااااص... لا للعملية:hahaha:

نعم للطبيعي.:)

هلا والله اتصدقون اني من شفت الموضوع عورني جرحي وبطني الصراحه انا جربت الاثنين طبعا ما في مقارنه بينهم الطبيعي تقومين من بعد الولاده على طول تكرمون الى الحمام من غير ما يساعدج احد اما القيصريه آآآآآآآآآآآآآآآآآآآآآآآآ القومه والنوم حسرة عليج حتى البيبي تشيلينه وترضعينه والحمام الله يعزكم يا ويلي مسكينه امي تكون مرافقتني طول المده لازم احد يساعدني ولا بعد كل هذا كوم ولما يجون السسترات ويقولون نبي نغير الشراشف اموت وهم يقلبوني بس الحمد لله على شوي شوي واصير احسن تقريبا بعد اسبوعين ثلاث والله يعين طبعا انا الباقي كلهم راح اولد قيصريه الله يعيني بس احسن شيء انج تروحين على اساس قيصريه ولا انج تطلقين اخر شيء يستعجل عليج الدكتور حسبي الله عليه ويسوي عمليه بعدها الحين اقدر احمل واروح وانا مهيأ للعمليه اذيتكم بسالفتي صح يالله ما اطول عليكم بااااااي