هو انتم مثلنا عندكم هالعاده اللي مدري وش تبي بالحياه

الأسرة والمجتمع

يالله حيووهم نفره نفره وش حالكم عساكم طيبييين

الله يسعدكم والله اني احبكم كثر مايقولون في سبيستون(سنعود بعد قليل)

رجعت لكم مع مواقفي وهبالي بهالحياااه:p

هذ الله يسلم كنت عالتلفزيون كالعاااده ومندمجه حيل وعااااد انحروني بس وانا مندمجه لاتقربوا صوووبي

طبعا تيلفوونا كم اكرهه لانه مزززعج موقعه بالصاله اللي فوق وجلستنا تحت المهم قبل المغرب بشوي يدق يدق يدق>>>ابد محد يمه وميمتي تصرخ قووومي يابنت >>>اخذتها براسي تسان ارقى الدرج وانا معصبببببببببببه ابي اتابع وهالغبي مزعجن>>خلاص ياخي قفل

وارد وانا معصصصبه قلت الوووووو جاني صوت رجال قالي السلام عليكم رديت عليه بعدين قال لو سمحتي خالتي نعناااعه موجوده>>وقتها لو هو يمي تسااان مسحت بوه الارض ...متعبني ومطلعني فوق وبالنهااايه يستخف دمه

قلت لا نعنااعه مهيب موجوده عندنا حبـــــــقه

>>>نسبه للحبق>>>ولد عم النعنااع,,

قالي اجل بمان الله وقفل ,,,,,

وقتها عصببببببببببت وانزل تحت وانا اقول معد بقي غيره يتريق علي:16:

تسان تقولي ميمتي من اللي دق قلتلها واحد يستهبل يقول خالتي نعنااعه موجوده قالت ايوه وش قلتي وانا بكـــــــــــل ثقه قلتلها ابد وانا بنتس ما اخليه يستهبل علي >>>انتبهي بس

قلت قلتله لا عندنا حبقـــــــه تساااااان يصير فيس ميمتي تسذا:oوتدور شي ودها تصفقني بوه بس حطيت رجلي واقول وشو وشو قسمن مادقيت حنك معاه بس ليه يتريق علي<<<حسبالي زعلت عشان رديت معاه

قالت الله يفشششششششششل عدوك يالخبله نعناعه ذي جدتك يلقبونها تسذا لانو كانت مشهووووووره بزرع النعناااع اياام زماااااان:06:
انا انخرشت خييييييييييييييييييييييييير تو اعرف بهالهرجه ولا ابد احدن قد طراها بس واضح المتصل واحد من معارفهم زماااان...

تسان الم خشتي اللي سقطت على ارض صالتنا واقولها وش هالعااااده قالت كذا طبعهم اول يلقبونهم باشياء يتميزون فيها مثل عمتس يلقبونه ابو ست>>نسبه لان اصابعه عددها ست


يا اني فقعععععععععععت ضحك قلت الله علينا والقابنا هالزمن*جالكسي والدنيا عكسي*برطم نمله*كدش فووووشي *وغيييييييييييييييرهاا*

قلت عاد هذا اللي صار محدن قالكم ماتردون ولاتعلمونا بعادتكم ذي:35:

وبث دمتم ساااااالمين عاد جا دوووركم انتم الحين عندكم مثل هالاقاااب اقصد جدانكم وتسذا واذا عندكم اسدحووووها فيذا مع سبب التسميه


سلاااااااااااااااااامي لكــــــــــــــــم
63
4K

يلزم عليك تسجيل الدخول أولًا لكتابة تعليق.

تسجيل دخول

الدرة الصغيرة
ضحكتيني والله
الله يسعدك
نورهان خانو
نورهان خانو
هههههههههههههههههههه
والله انك تحفه اتخيل شكلك بس
رماح ردينية
رماح ردينية
أوووووه ياماأكثرها بس تراها عادة مو زينة لأنها من التنابز بالألقاب والأولين فيهم جهالة والغريب إنها مازالت ماشية إلى الآن وينادون حتى الأحفاد بأسماء أجدادهم..
واحد كانوا ينادونه بإسم أمه فلان بن فلانة!!والسبب:يقولون لأنه مافيه خير كأنه مَرَه(حرمة)!!!!لاحول ولاقوة إلا بالله
وبعضهم يسمونهم أسماء شينة ظناً منهم إنه بيعيش..لأنه كان يموت لهم عيال كثير بالماضي..
كنت بأذكر أسماء بس بتنكشف هويتي>>لذا الصمت أبرك..هههههه
تسلمين ياحفيدة نعناعة على الموضوع
سكر22
سكر22
ههههههه ياحليلك مازالت العاده عندنا لدرجة الواحد يصير فيه انفصام بالشخصيه مايدري وشلون ينادي الشخص اللي هو يبي..
ملكه قلب زوجي
ملكه قلب زوجي
ههههههههه سلميلي على نعناعه وحبقه