ان شاء الله المجربات يفيدوك لانه ولدي لسه صغير

شوفي حبيبتي
عشان تعلمي طفلك للتواليت اول شي لازم لازم يكون عندك طولة بال هذا اول شي
لانه ممكن سويها على نفسه اسبوع بس انتي لازم ماتياسي
يعني لمن تفكي الحفاظ خلاص تفكيه طول اليوم وممكن تتعبي في البدايه لكن زي ماقلت لك طولي بالك
اول مايصحى فكي الحفاظ وووديه التواليت رشي عليه شوي مويه عشان يسويها ودائما لمن يسويها في التواليت شجعيه وكافئيه ولمن يسويها على نفسه ممكن تعاقبيه بس بشويش لان المثانه عنده لسه ماتعودت تمسك
وكل ساعتين تقريبا وديه وانتي كمان لاحظي لمن يشرب سوائل اكيد يحتاج التواليت وهكذا
كمان قبل ماتخرجي من البيت لاي مشوار احرصي انه يروح التواليت عشان مايحتاجه وانتو برا
الله يكون في عونك

مشكورين حبايبي الله يعطيكم العافيه كلكم خير وبركة ومعليش تاخرت بالرد لأنو النت كان زعلان !!!
والله يعيني ويعينكم..