um nhyan @um_nhyan_1

عضوة

مفارش كلمة رووووووووعة شوي عليها

السلام عليكم بنات حواء الغاليات

شخباركم انشاءالله بخير

الصرحة انا عندي طلب اذا ممكن تساعدوني فيه

ابا مفارش روعة حق الشبرية (السرير) الي يكون فيها قطع وايد و الوان حلوة مثل ستان على قطن يعني من هالقبيل

و هذا ربط عشان تفهمو اكثر
http://forum.hawaaworld.com/showthread.php?s=&threadid=274095&perpage=15&pagenumber=1

على فكرة انا من الامارات و ياليت ادلوني على مكان يبيع او يفصل و بسعر معقول لاني حصلت بس الصراحة يعني 4000 درهم وايد ابا من 1500 و تحت

و مشكورين و ادري بنات بو خليفة الله يرحمه سنعات ما بيقصرون معاي ( اونه عاد تقردن ههههههه) فديتكم و الله

و السموحة :27:

يلزم عليك تسجيل الدخول أولًا لكتابة تعليق.

تسجيل دخول

um nhyan • 19 سنة

بنات 9 مرو و لا وحدة ردت .... اكيد ما يعرفون و لا بيردون ....... المهم حبايبي اتريا البقية

روح المسك • 19 سنة

هلا والله بام نهيان بنت بلادي :02:

أفا عليكن شو بلاكن ما فيكن صبر :42: شوي شوي علينا يمكن وحدة تاكل والثانية تشرب والثالثة يعني هدوا الوضع خخخخخخخخخخ :23:

شوفي حبيبتي البارحة لفلفت فسوق القديم اللي بالشارجة ورحت ادور لي على كفر ملوا بيتنا كل يوم والثاني مغيره كفري (للسرير) لأني بصراحة دايما اشتري شي ما يعجبني وايد لأني ما ألقى اللي فخاطري .زز وسبحان الله البارحة لقيت لج محل فيه كفرات وديزاينات تجنن وللنفرين بخمسمية وشي وعادي ينزل لج السعر والله يستاهل فيه وايد قطع ومخدات مجانية :21:

طبعا أنا يحليلي وحدانية فخذيت ابو نفر ولونه بني بس شو رهيب وعطاني ب120 الكفر بس والله هو اللي فخاطري...... :32:

ومن لقافتي قلت له احجز لي بو نفرين الأحمر :42: لأنه روعة طالع فالكتالوج....

شوفي بتلاقين المحل حذال المفروشات ورا بالسوق واسمه... الحوطة للمفروشات:02:

والله رخيص وحلو.... روحي وجربي.... :27:

سحابة خير • 19 سنة

الغاليه انتي ما حددتي انتي من وين بالضبط من اي مدينه عشان نقدر انساعدج ,,,
وانا بقولج على شي يفيدج ,,,, في الفتره الاخيره الاحظ كل الحريم ياخذن صورة الشرشف اللي يعجبهن
ويفصلنه في اي محل اسعاره معقوله .... انتي اختاري اي شرشف من المعروضات وفصلي مثله ...

DeSiGnEr_StYliSh • 19 سنة

عزيزتي um nhyan

إذا انتي من بوظبي سيري عند محل اسمه الأمان في الخالديه عدال داماس في شارع النصر ...

هاي باكستانيه تبيعهن .. عندها أشياء حلوه واسعاره وايد مناسبه يعنيي من 300 إلين 700 ..

عندج بعد شين ون اللي في المارينا بعد يبون أشياء حلوه ...

ممكن بعد أنتي اتنسيقين بروحج .. تاخذين مفارش مشجره أو ساده طقم .. وادخلين العكس عليها من مخدات وكوشنات ومفارش شامواه او قطن ...
:26:

um nhyan • 19 سنة

فديت بنات بلادي و الله يعلني ما خلا منكم ...

روح المسك
مشكورة حبيبتي على الوصف الدقيق ....... و انشاء في اقرب و قت بسير عنده :26:

سحابة خير
الغالية انا من بوظبي و عادي اذا تعرفين اي مكان يعني جميع امارت الدولة هوب مشكلة بنسير و نشوف و بعدين نقرر و بعدين نشتري هههههه عملية صعبة

DeSiGnEr_StYliSh
يعلني افداج .... مشكورة الغالية اليوم بروح اقتحم المحل و بسوي عملية اغتيال للباكستانية و باخذ كل الي عندها ... (لاتصدقون عاد امزح ) هههه

و اتريا البقية يعني لو انتو مشترين ممكن تحطولي صور عشان بو الشباب راسه يابس ما يقتنع بسهولة ...... :26: