خلطتي العجيبة

السلام عليكم و رحمة الله وبركاته

أولا أعرفكم بنفسي أنا متابعه قديمه لهذا المنتدى لكني سجلت من فتره قصيره

المهم بدش بالموضوع .. الله يسلمكم اليوم الويك إند و كنت فاضيه قلت أروح أسويلي خلطه أرقع فيها ويهي

بس كنت محتاره لأنه فيه عشر طعشر خلطه في المنتدى و كل وحده تمدح خلطتها و تقول خلطتي مضمونه و الأحسن ... عاد ما عرفت شو أختار :confused:

جان تجي على بالي فكره
ليش ما أخلط كل الخلطات في خلطه وحده ...يعني بالعنقريزي
All in one

و بالعربي حمود على عبود :arb:

دشيت المطبخ :cook:
و ما خليت شي ما حطيته في الخلطه.... لو أمي تدريبي جان حشرتني و كنسلت ويزتي :43:

بقولكم محتويات الخلطه و انتوا خبروني رايكم فيها انزين

خياره
بطاطا
طماطه
ليمونه
صبار
عسل
لوز مطحون.
كركم
زيت زيتون
خميره
روب
سكر
رز مطحون
حلبه
حليب بودر
محلب

والله شكلها خلطه دسمه بالقو ... المهم البرطمان امتلأ بالخلطه .. و راح أستخدمها يوم و ترك .. و بشوف النتيجه اللي راح تطلع معاي ...

قولوا ان شاء الله أبيض في اسبوع او أسبوعين :(

هيه لو خلطتي نجحت بسير أفتح محل و ببيع هالخلطه العجيبه و بنافس العطارين اللي عندنا :22:

المهم خبروني شو رايكم بمكونات خلطتي؟
و هل خلط المواد بهذا الشكل قد يضر بالبشره و الا عادي بما انها مواد طبيعية فما راح تضرني؟