البيبي مات .. ومب عارفة وين اسير (رجاء مساعدة بنات أبوظبي)

مرحبا..

انا ادري اني مصختها وزودتها من كثر ما ارمس واسأل .. بس والله اني ما اعرف حد غيركم اسأله.

سرت أمس عند الدكتورة شيرين في مستشفى النور عشان أفحص الجنين .. خصوصاً مع سالفة الدم اللي صار له تقريباً ثلاث ايام .. وفحصت وما شافت نبض .. وعشان أتأكد سرت عند دكتورة ثانية في مستشفى دار الشفاء وبعد ما شافت نبض.

واثنينهن قالو لي ان الجنين وقف عند ست أسابيع.

يعني وسوستي طلعت صح .. والحمدلله الذي لا يحمد على مكروه سواه.

المهم..
عقب ما فحصتني الدكتورة شيرين طلبت منها انها تسوي لي فحص دم عشان اشوف هرمون الحمل .. يمكن اقدر افهم منه شو سبب الإجهاض .. وفعلا خذت عينة أمس وقالت لي انها تبا عينة ثانية يوم الجمعة عشان تسوي مقارنة .. وباسير لها يوم السبت ان شاء الله عشان تخبرني بالنتيجة.

وانا بصراحة ما ابا استعجل في سالفة العملية .. وقلت بانتظر اسبوع وعقب اسويها .. ومع اني قريت في المنتدى هني اكثر من وحدة ما استعجلت في العملية بس مب عارفة هذا الشي زين والا لا ... وبعد مب عارفة اسوي العملية عند منو؟؟؟؟

انا من أيام حملي الأول اراجع عند الدكتورة نفيسة في مستشفى الزهرة في الشارقة .. بس انا الحين في بوظبي عند اهلي .. وما لي رجعة قريبة للشارقة .. وزوجي يقول مب معقولة اتريا لين ارد الشارقة .. وهو الحين في الدوام ويباله اسبوعين لين يرجع .. وانا ما اعرف شي عن طبيبات بوظبي ومنو الأحسن عشان اسوي عندها العملية .. والا كلهم نفس الشي وما تفرق؟؟

بصراحة مب قادرة أفكر ولا عارفة شو الصح وشو الغلط

انصحوني؟؟؟؟