حد منكم تعامل مع موقع EBAY ؟؟ وكيف الطريقة؟؟

موقع eBay.com

أكبر و أشهر موقع مزاد في الانترنت

طبعا انتي تشترين من ناس ( حالي و حالج ) والشركه eBay غير مسؤوله عن اي شي

هم بس يوفورون الخدمه مع نصائح ان المشتري لازم يراسل البائع قبل و يتفق وياه عن طريقة الدفع والتوصيل خاصة اذا كان المشتري خارج أمريكا


طبعا من خبرتي لا تشترين الا من بائع عنده good feedback و هذا يدل على انه صادق و اقري شو يكتبون اللي اشتروا من عنده

بالنسبه لطريقة الدفع

يعتمد على البائع ... معظمهم يقبلون فيزا أو ماستر كارت ... و البعض الاخر تحويله بنكيه أو شيك مسحوب بالدولار الامريكي


الخطوه الاولى انك تسجلين و يكون لك اسم و كلمة سر ( مجانا ) و بعدين تشوفين اللي تريدين تشترينه و تراسلين البائع و تسألينه اذا بيرسل خارج امريكا و كيف بكون الدفع و تتفقون

و ذا كان مزاد لازم تكونين انتي مقدمه اعلى سعر

و ذا ما كان مزاد يمكن تشترينه على طول

بس طبعا دوم المزاد ينتهي بسعر ارخص


و ذا عندك اي استفسار تفضلي اسألي

و شكرا

انا اشتريت اشيا وايد منه ...بس الاسترالي مب الامريكي..حلو
بس انتبهي اول شوفي الاسعار بالسوق... بعدين روحي للموقع لانه احيانا يرتفع سعر السلعه اكثر من السوق.....
واي سوال عن كيف bid انا حاضره>>>

الاخت افراح امه كفت ووفت في الشرح
الموقع من اشهر مواقع المزادات واهمها... والصراحــه تلقين فيه اشياء وايــــد ماتتوقعينهن

مشكورات خواتي .. على الرد الوافي ..

أنا ييت بسجل في الموقع لكن طلب مني بيانات بطاقة ائتمانية لأن إيميلي مب من لستة الإيميلات المحبذة في الموقع مثل أمريكا اون لاين .. وهالسوالف .. فمادري اذا فتحت حساب توفير بيعطوني بطاقة فيزا الكترون .. تنفع ؟؟ تحل محل الفيزا ؟؟

لا ما تنفع... شوفي اختي لو انتي بس تبين تشترين ممكن تحطين بطاقه اي حد ثاني يعرفج... لانه ما بينسحب من البطاقه... لكن لو تبين تبيعين لازم فيزا خاصه بك...