احذركم يابنات الرياض من هالقاعـــــــــــــــــــــه استغلال والله على مااقول شهيد

مرحبا خواتي قبل كل شئ
حبيت ابين شغلتين
اولا انا انسانه مااحب الاستغلال باي شكل كان وهالموضوع يبين الاستغلال الي حاصل لنا
ثانيا التجربه الي مريت فيها صادقه بكل كلمه اقولها ولالي اي فايده والله الشاهد وبيحاسبني عن كل لكمه ذكرتها بهالموضوع

من كم اسبوع كان لنا زواج بقاعة في الرياض اسمها قاعة نــــــــــور (وهي ظلام بظلام):42:
على طريق الشيخ جابر

كان سعرها معقول حوالي 40 الف والسبب الاول انحدينا عليها ولاكان ببالنا قاعات ثانيه وطلعت كلها محجوزه
المهم اتفقنا وضبطنا امورنا وبين كل فتره وفتره نشيك مع المسئولين بالقاعه عن كل شئ
ابذكر لكم الي حصل
لمانكلم المسئولين عن قاعة الرجال يعطونا كلام بخصوص عدد الصبابات والقهوجيات والمسئولات عن الدوران بصواني الحلى
ولمانكلم المسئولات بقاعة النساء عن الاشياء السابقه يذكرون كلام ثاني
ولمايجي بعد كم يوم ونتكلم مع المسئوله المغربيه الي اسمها ليلى كل مره تعطينا عدد
مره تقول الصبابات 4 ومره 5 وقالت الموظفات عن النظافه 3 ومره وحده والمسئولات عن الجوال 3 وكل شوي كلام شكل

طبعا باذكر لكم الي حصل بيوم الزواج بنقاط عشان تستوعبون ولااشتتكم

1-لماكلمناهم اخر مكالمه قبل الزواج قالو مافيه عصيرات الافراوله مانجا وجوافه طيب وين البرتقال والتفاح قالو احنا نظامنا كذا سلامات من متى كان فيه زواج مافيه تفاح وبرتقال مو مشكله بلعناها

2- مافيه اي تفاعل من المسئولات بمكان النساء وللمعلوميه لماجاء المغرب مالقيت ولامسئوله ولماسئلت عنهم كم مره قالو راحت تلبس وقسم بالله انها جت مع المعازيم على 10 وفوق متخيلين

3-جو قبل الزواج بيوم لماكلمنا قالو احنا نوفر لكم الي يدورون بالصواني الوحده 150 قلنا اوكي لماجاء يوم الزواج لماطلبت ان المويه يدورون بها على الناس مو تنحط ع الطاولات بدو الفلبينيات الي يدورون بالصواني يتطاولون علي بالكلام وقالو احنا ندور بالصواني حقت التشوكلت بس طيب 150 لكل وحده ليش
وليه مابينتو هالشئ من الاول

4- دارو بمويه طعمها كريه جدا جدا واشكال من الكاسات مو بشكل واحد

5- الطاوله حطو فيها ترامس وبيالات وفناجيل كل طاوله تختلف عن الثانيه باشكال الفناجيل والبيالات وحاطين مثلا 4 بيالات فنجالين وملعقتين وبدون صحون بيالات.. ولااذا حطو حطو بس صحنين ...!!

6- الصبابه اسمها ام سعود كلام واجد وتليوق بالكلام ومن عيوني وتبدى تتلزق وتبوني ازغرط واهلي بس كل شئ بفلوس قلت لاشكرا

7- تفاجانا باشياء كانت من ضمن الي داخل بسعر القاعه يحطونا امام الامر الواقع بمغرب الزواج يجون يقولون هذا برا القائمه ادفعو فلوس ابتزاز ومالنا الااننا نقول اوكي مالنا حل اخر

8- كل قاعه توفر غرفه للعروس وببلاش هذولي ياخذون 500 على الغرفه

9-الحمامات سيئه والمغاسل اسواء والنظافه سيئه جدا وانابيب المغاسل نازله ومغسله مكسوره وحاله مزريه وكلها تفاجانا فيها بيوم الزواج

10-تفاجانا لماجو حقين الديكور يقول ان المسئولين عن القاعه حاطين مفارش مشققه كان ودي اصورها لكم بس المخ كان مشغول متصورين مفارش مشقوقه على الطاولات كان فار ماكلها

11- الترامس فضت وكل مره اجي للصبابات والقهوجيه يسكتوني بالكلام وتفشلنا عند المعازيم

12- المسئولات عن الصواني ياخذون التشوكلت وكان غالي وصواني متكلف فيها يمسكونها ويكبونها كب على المعازيم متخيلييييييييييييييييين مو يدورون بها ويخلون كل وحده تاخذ الي تبي

13-كل مره اجي للفلبينيات الي يدورون بالصواني الاقيهم جالسين وياكلون بالصواني وكل ماقلت دورو لقيتهم متمددات ويقولون حورمه قول ماابغاااا

14-لماجاء بعد العشاء ادور التشوكلت كله راح مالقيت بالصواني شئ ولقيت الفلبينيات يجمعونها باكياس

15- العلوك والطاوله الي بعد العشاء طلعو المعازيم مالقو فيها شئ كلها انقشت من الي يشتغلون في القاعه

16- صواني حلى للعشاء شغل بيت كلها ****لت بالصينيه حقتها سرقه عيني عينك ولاندري وين راحت
وكيك ****ل بعلبته والعشاء يدخلون العاملات والناس لسا فيه ويشيلون الاكل بقصادير المويه والمشروبات حااااااااااااااره

17- تفاجانا ان الي مسئوله عن النظافه وحده بس مو ثلاث زي ماقالو ولكم ان تتصورو الوصاخه الي صارت واصلا عاملات باردات ينزرون ويصارخون على المعازيم

وشغلات كثيييييييييييره
مااحب اوجع راسكم فيها بس حبيت انبهكم والله مالي مصلحه الااني ماابي احد يطيح بالي طحنا به

بالاخير ادعو للعريس والعروسه ان ربي يوفقهم
واتمنى تستفيدون من هالتجربه