(ام بتال)

(ام بتال) @am_btal_3

محررة برونزية

لا افراط ولا تفريط نظامي في النفاس,,,والاسماء المقترحه تعالوا اختاروا

الحمل والإنجاب

السلام عليكم ورحمة الله وبركاته

انا الحين لي 3 ايام بالشهر التاسع وسويت لي نظام نفاس

يعتمد على اشياء بسيطة

اولا لاني كسولة وما ابغى اتخسر مقاضي واخرتها ما بستعملها وعالزبالة

وثانيا عندي اقتناااع تام بان خير الامور اوسطها ولا افراط ولاتفريط


وسويت لي نفسي نظام بسيط وحلو

ومقسمة نفاسي اسبوعين واسبوعين

الاسبوعين الاولى نحتاج

# تمر

# نجيب فنجال زنجبيل مطحون وفنجال فلفل ابيض

ونخلطهم بعلبة

# حلبة

# قرفة

# قشر قهوة



النظام بيكون

عالريق ناخذ ملعقة من خلطة الفلفل والزنجبيل ونحطها جوت تمر وناكلها ونشرب عليها كوب حليب دافئ



هالخلطه تنظف الرحم

وانا جربتها بعد عملية تنظيف مع المسكنات وقف علي الدم وصارت دورتي خفيييفة

ومن اخذتها صارت تنزل بالبداية كتل دم وبعد كذا رجعت دورتي منتظمة

انصحكم فيها من قلللللب

بعدين نفطر

والظهر ناخذ كوب حلبة لوحدها او مع الحليب

وفائدة الحلبة

تدر الحليب

تحسن الجسم والبشرة

تشد الظهر



بعدين تتغدي

والعصر تشربي قهوة القشر والقرفة تغليهم مع بعض وتشربيهم



الاسبوعين الثانية

على الريق خلطة الفلفل والزنجبيل مع التمر والحليب

نفطر

بعد كذا نعمل تمارين خفيفة للصدر وتمارين كيجل ومشي قد طاقتك لا تجهدي نفسك

والصباح بتكوني راايقة وتشمسي النونو على ما تسوي التمارين


بعدين نتغدى

والعصر تاخذي الرشاد

مع تمر او تنقعيه من الصبح ملعقة رشاد بفنجال ماء وتشربيه

طبعا انسي آلام الظهر ولمدة ثلاث ايام ناخذ الرشاد

وفائدة الرشاد

يعالج آلام الظهر

يعالج تساقط الشعر لا تستغربوا من هالمعلومة


بعد العشاء شرب عصير دكتور اوز

هذا دكتور مع اوبرا تكلم عن هالعصير

وتلقون المقادير في الرابط تحت

وهو يزيد الدم

يجمل الشعر والبشرة

وتلاحظي التغير خلال اسبوع

وهنا تجربة وحده من بنات المنتتدى

http://forum.hawaaworld.com/showthread.php?t=2194492







الحين نجي للعناية بالبشرة والشعر



الاسبوعين الاولى ما بنسوي شئ ابدا لان مالنا خلق شئ

الاسبوعين الثانية

الشعر


اذا تروشنا نشطفه بسدر 3 ملاعق سدر على قارورة ماء ام ريال

ونستعمله مثل البلسم بتلاحظون توقف التساقط وسرعة النمو

واذا خرجنا نرطب الشعر بزيت سمسم وزيت لوز



البشرة


نعمل هذا البرنامج يوم السبت والاثنين والربعاء


نعمل هالخلطة كوب زيت زيتون اصلي نسخنها ع النار وعليها ملعقة كركم ونفرغها ببرطمان زجاجا

قبل النوم ندهن الجسم فيها وننام

الخلطة تشيل الكلف والبقع بالجسم

لما نصحى ناخذ دش بالخلطة الصابونية للافعى الحنونة

نبشر هذه االصوابين صابونة حبة سوداء - صابونة يوكو بالحليب- صابونةغار

ونذوبها عالنارثم نضيف 1ك ماء -2ك ماء ورد -1م زيت لوز حلو

ونرفعه عن النار ونتركه يبرد ثم نضيف 4 كبسولات زيتية فيتامين E


الوجه
يوم الخميس
صبر مطحون مع فازلين ندهن به الوجه ساعتين ثم يغسل

فائدته يشيل الحبوب ويشد الوجه

يوم الجمعه

قناع اللبن والشوفان

ملعقة لبن زبادي وملعقة شوفان ونضغه عالوجه الى ان يجف ويغسل

فائدته يصفي الوجه




والحين ابيش رايكم بالاسماء واختاروا لي واحد منهم

غسان-مازن-مؤيد



واي استفسار انا حاضرة

تعبت وانا اكتب بس تعبكم راحه

يلا دعواتكم بتسهيل ولادتي يارب
25
3K

يلزم عليك تسجيل الدخول أولًا لكتابة تعليق.

تسجيل دخول

رومنسيه وكلي حنيه
حلو نظامك انصحك باسم مؤيد
وجدان الأمل
وجدان الأمل
نظامك حلو الاسماء كلها حلوه بس مؤيد كثير حلو
(ام بتال)
(ام بتال)
الله يحلي ايامكم يارب

يلا وين باقي البنات ابغى تصويت اكثر ع الاسماء
fdfd556
fdfd556
حلو الله يعطيك العافية مؤيد حلو
حورية الشاطئ
حورية الشاطئ
نظامك حلو والله يقومك بالسلامة

اسم مازن مررررة حلو