مشكلتي كبيره هذا وانا توني متزوجه

السلام عليكم
أنا عندي مشكله وأبي منكم تقولولي وش أسوي تكفون أنا خلاص تعبت وطفشت من حياتي
بقولكم السالفه من أولها واتمنى انكم ماتردوني وتساعدوني
أنا توني متزجه لي 6شهور وزوجي ع كلامه إنه يحبني ويموت فيني أن صح إني أحبه من قبل الزواج وحبيته أكثر بعد ماتزوجنا بس ما أدري أحس إنه بدا يتغير أحيانا أحس إنه يحبني وأحيانا احس أنه طفش مني وبدا يكرهني وأبدأ أفكر وين كلامه اللي كان أول بس مع هذا أتذكر كل شي حلو سواه لي وطيبته وحنانه معاي هو بصراحه إنسان رائع ومافيه شي بس أنا صفاتي يمكن تخليه يكرهني بس موبيدي أنا كتومه كثير وخجوله وساكته بس هذا طبعي وأنا قلت له من قبل الزواج ع هالشي بس كان يقول لا عادي هذا شي يعجبني فيك عشان كذا أنا مستغربه منه ألحين بس يشهد علي ربي إني مسويه له أشياء أنا في بيت أبوي ماني متعوده عليها صرت أشتغل واتعب وأنظف وانا عند أهلي مو كذا وانا بالعكس أسوي كل هالأشياء من طيب نفس وبسعاده بس هو مايتقبل مني شي بعذر إنه مايبغى يتعبني آذا جيت أطبخ أو اسوي أي شي له يقول إذا عشاني لا تعبين نفسك انا مالي نفس ومدري أيش ولما أتكلم معاه أحس إنه يستخف بكلامي بإبتسامته وأنا أتكلم غريب أنا تعبت منه ومن قبل الزواج كانوا أخواته الي هم صديقاتي يلمحون ويقولون الحب أعمى ومدري ايش وانا ادري إن جمالي متوسط بس مو شينه لهدرجه لان أخوهم وسيم بس هو يحبني من واحنا صغار وانا بعد أحبه بس كل مايقرب مني أتخيل كلامهم وتتغير ملامحي ويحس فيني وهو ع باله إنه مضايقني بس مايدري عن شي وانا مقدر اقول له لانه ماراح يصدقني في أخواته
وألحين صارلنا 3شهور أنام في غرفه وهو في غرفه بس موهاجرني يعني بس ماينام معاي هذا صار بعد ما أجهضت حتى معقوله يتقرف مني وانا باقي للحين ماني قادره أتعود عليه ومقدر اطلب منه شي تخيلوا من أول ماسافرنا عشان دوامه ولا مره فكر يعزمني ع مطعم ولا حتى يطلعني يمشيني ولما درى إني حامل نا فكر يجيب لي هديه
لما أشوف جاراتي وكيف سعيدات في حياتهم وأهما مايسوون أشياء أنا أسويها له وأرواجهم طايرين فيهم ووحده زوجها ماينام إلا وهي جنبه وأنا الاخ ينام ويكون في سابع نومه وأنا جالسه لوحدي كأني ايش تخيلوا أنا صار البكا صديقي العزيز مستحيل أنام من دون ما أبكي ع حالي أنا ما أنكر ان فيني أشياء غلط بس ليش مايتقبلني مثل ما أنا أتقبله بكل عيوبه وسلامتكم آسفه طولت عليكم بس والله مالي غيركم لاني ادري لو قلت لامي بتتضايق وماتهون علي اتمنى تساعدوني وتقولون لي وش اسوي ومشكورييييين مقدما يا عسولات