إذا تبين تسمنين ادخلي.....

مساء التماسي للحبايب الجالسة على الكراسي
أهلين وسهلين فيكم
بأدش في الموضوع مباشرة.. في الحقيقة أنا عانيت معاناة مع النحافة ولسة ماانتهت معاناتي!! وجسمي ماتتخيلون جلد على عظم بس ترى ماني نحيفة مرة مرة<<<اخلصي علينا!!
المهم تعقدت من كلام الناس وكل من يشوفني يترحم على حالي والصراحة أنا مليت من كلامهم وصاروا يحرجوني بتعليقاتهم وكأن مافيه أحد أنحف مني!! وكل شوي جايبين لي خلطة وأجرب بس ما تنفع والثانية والثالثة و........إلخ
إلين ما قالت لي بنت خالتي ذاك اليوم عن خلطة مجربتها صديقتها وتقول إنها سمنتها وتمدحها كثير وحتى بنت خالتي تقول إنه بدت فيها الحين.. وهي ترى تموتك من الجوع يعني كل شوي تروحين للمطبخ وتبلعين إلين ما تخلصين ثلاجة أهلك!!!
الزبدة إني قلت ليش ما أكتبه في المنتدى ويستفيدون منها البنات
وأنا إن شاء الله راح أجربها لكن بعد الإختبارات لأني أعرف نفسي راح أختفي بالإختبارات...!!
الخلطة هي..
عسل طبيعي..
غذاء ملكة النحل
مكسرات( صنوبر فستق و...الي تبين تحطين من المكسرات) وتكون مطحونه
تخلطينهم مع بعض وتاكلي منها ملعقة أو ملعقتين في الصبح على الريق وفي الليل قبل لا تنامي واشربي بعدها كوب حليب علشان يفيدك أكثر.. استمري عليها حتى تبان لك النتيجة..
وبالنسبة للمقادير أنا ما أعرفها لكن انتي حطي على كيفك والمقدار الي تبينه..
وان شاء الله تستفيدون منها..
وادعولي أنا ثانوية عامة ورايحه فيها ادعولي أجيب نسبة زينة..
وعذراً على الإطالة...