يابنات اذا بتصبغون شعركم بالصالون حااااااسبو من هالشغله والا شعركم بيروح فيها

مساااااااااااااااااء الخير

شلونكم يابنات

قصتي يابنات اني تقريبا من فتره اقل من سنه طقت في راسي اسوي نيو لوك لزوجي لانه كان مسافر وقلت خلني اصبغ شعري والل يابنات شعري قبلها كان طري ولين وناعم ومو متقصف مع اني صابغته كم مره لكن بروحي بالبيت وكانت كل الصبغات رايحه وصاير له فتره مو مصبوغ
طبعا توكلت على الله وشلت قشي ورحت الصالون بكل ثقه وسويته هاي لايت
طبعا شعري صار ليفه لا والله الليفه يمكن اهون والخصل الي انصبغت صارووو يابسين ومتقصفين يعني باختصار مثل شعر الباربي وزوجي زفاني وقاليانتي خربتي شعرج لانه كل ما يلمسه كأنه خيش ..............

طبعا قمت احط زيوت وشووووي تعدل الوضع ومره قبل ثلاث شهور تقريبا انه كنت رايحين صالون ثاني كان عندنا عرس وفي وحده بهالصالون تسوي الشعر حلو ومتعوده اسوي شعري عندها لما شافت حاله شعري استغربت وقالت لي صبغوه لج بشي اسمه بليدج !!!!!!

انه سألتها يعني شنو بليدج قالت لي هذا شي يخلطونه بالصبغ عشان يصبغ زين وبسرعه لكنه بالمقابل يتلف الشعر ويقصفه ويخشنه ويخلي الشعر يتساقط ( وانه اشوف شعري يطيح كأنه شلال ),, قالت لي ترا مو كل الصالونات يستخدمونه بس بعض الصالونات وهالمره اذا بتصبغين شعرج تأكدي ان ما يخلطونه بهالماده او قولي للي بتصبغه لج لاتحطين بليدج .............


عاد انه نسيت الموضوع بس هالايام زايده حاله خشونه وتقصف شعري وذكرت السالفه فقلت ادخل واقولكم فحااااااااااسبو ياااابنات واذا وحده تعرف تصبغ شعرها بروحها وعندها هالفن لا تسلم شعرها للفلبينيات والصالونات واذا امكن الابتعاد عن الصبغ احسن واحسن تراه ما رواه الا عوار الراس والشيب وترا اللون الاسود هالايام لون الموضه الحين حتى الشقراوات يصبغون شعرهم اسود

يالله يابنات انطر ردودكم ودعواتكم لي بان شعري يرجع مثل قبل واحسن والله يوفقكم