الشوفة الشرعية والرد والحيرة ساعدوني

اعتقد اختي ان الشوفة الشرعية هي حتى يشوف الشكل العام وبس اما يرتاح لك ومدري وشو هذي ماتبان الا بالعشرة وكذاب اللي يقول مارتحت لن مستحيل تعرفين شخص الا بالعشرة ،،، وهو ماجا يخطب الا سائل عنكم وعارف عيلتكم وسمعتكم يعني ماعنده عذر يتأخر بالرد اسبوع كثير صراحة ،،، خلي اهلك يكلمونه الرجال ويقولون له يخدد موقفه لن البنت جايها خطاب ثانيين واذا ماله فيك خاطر يقولهم والزواج قسمة ونصيب مافيها مجاملات . حسيته والله انتي اللي خاطبته جالس يستخير وماخذ وقت يفكر وين عايشين احنا المفروض العكس انتي اللي تفكرين وتستخيرين .

الثاني اعتذرنا منهم بعد ماكلمنا الأولى لأنه طلع مو محافظ على صلاته , الاول افضل لكن هالشيء طبيعي او لا ؟

غالبا الرجال اذا عجبتة البنت يرد بعد يومين بالكثير
وبعضهم في نفس الجلسة اذا طلعت من عندة يقول لاخوها انة مرتاح
وبعضهم يطلع ويدق اليوم الثاني
يعني يختلفون
بس لاتكلمونهم خلاص احس عيب اذا هم اتصلو او خلاص الله يعوضك

انا مو فاهمة الام تدق على قريبتي وتشكرها انها دلتها علي , وهم فيهم مماطلة بغض النظر عن الرد وماقالت مانبيها قاعدة تمدح وعطونا مهلة حتى بعد ماشافني صاروا يسألون عني , شكله خلاص الله يعوضني بالافضل

والله حنا بعادات اهلي ماعندنا شوفة شرعية ومابي اقلقك بس انا احس الوضع مايطمن يعني اسبوع بس انتظروا التمسوا لهم العذر لكن اذا كثروا لازم احد يكملهم لو حتا مابغيتي اهلك هما يكلموه خلي قريبتكم او زوجها هو يسأله شسالفة ،،، بعدين حتا لو انتي كبيره ماسبب تقلقين انا تزوجت وعمري 30 وخذت وقتي بالتفكير ولا يجي ببالك بيوم انك تبيني هالشي قدام زوجك ترا يستغل هالشي ضدك خليكي دايما ع فكرة انو النصيب اللي تأخر وماكنتي مستعجله اهم شي يكون رجال محترم ويصونك العمر كله ،،،،،، تعليق اخير بخصوص اللي رديتوه لنه مايصلي ترا كثير شباب يستهينون بالصلاة بس لما يتزوجوا والزوجة صالحة ومحافظه ع صلاتها يتعدلون يعقل ويصير يخاف من ربي ويتعود يصلي ،،،، كثير رجال تزوجوا مايصلون ولكن الحمد لله ربي هداهم . هو انتوا رديتوه وخلاص راح بحاله بس انا اقولك عشان المستقبل اذا كانت الصلاة عيبه الوحيد فكلنا بشر واللي مايصلي اليوم بإذن واحد احد بكره يصلي ويعرف لذة الصلاة .