بذرة الكتان طبياً و علمياً ما تنحف
أساساً ما فيه مادة غذائية من خواصها الكيميائية انها تنحف الا قل الأكل و كثر الحركة ..و حتى الشاي الأخضر لازم تشربين براد كامل عشان يحرق شوية سعرات ...يشد الجسم ؟؟ لا طبعاُ
بس بذرة الكتان زي ما قريت عنها بمواقع طبيه انها مفيدة للصحة و فيها زيوت اوميغا3 اللي موجودة بالأسماك و المكسرات ..يعني مهمة للصحة العامة
ملعقة صغيرة يومياً منها مع أي شي راح تعطيك كفايتك اليومية من أوميغا 3 المهم جداُ للدماغ و الذاكرة .
مو النحافة أو الرشاقة ...
غير انها تعتبر ملينه لللأمعاء يعني تنفع لمشاكل الأمساك بس بكميات بسيطة
اتركي عنك الخلطات و ركزي ع الأكل الصحي الخفيف و السلطات و الفواكة و المشي اليومي السريع مو أقل من 45 دقيقة يومياُ و تشوفين نتيجة روووعة بعد كم شهر ..
و كذا مره شفت أوبرا و دكتور أوز و برنامج The Doctors يتكلمون عن فوائدها (أوميغا3 ) بس مدري ليش الحريم هنا مخترعين سالفة الرحم و العقم !!!!قريت وحده بمنتدى مسويه تحذير عنها و كأنها تكلم عن سموم !!!
انها أكلتها و جاها عقم و مدري ايش ؟؟
يمكن رحمها أساساً تعبان بس ما أكتشفت الا بعد ما اكلت الكتان
نصيحتي لك اختي
تبين صحة و مناعة و ذاكرة قوية ...ملعقة صغيرة كتان مطحون يومياً او يوم ورا يوم
و مهي شي أساسي اذا تاكلين أكلات بحرية مرتين بالأسبوع منتي محتاجتها لأن كل منتجات البحر مليانه أوميغا3
تبين نحافة لو تاكلين خيشة كتان ما راح تنحفين
كثري الحركة و قللي الأكل و راح تنحفين بس اصبري و طولي بالك ...وزنك ما زاد أسبوع عشان ينقص بوقت قصير ...
اليأس اللي يجي بعد محاولات قصيرة شهر شهرين و العجلة اللي تخليك تخبصين و انتي ما صارلك أسبوع هي اللي تزيد وزنك ...مو من الحكمة انك تعدلين غلطاتك بخلطات و خزعبلات ما أنزل الله بها من سلطان و لا ثبت طبياً فيها كلام مقنع ...
موفقة الى طريقة الرشاقة أختي الكريمة ..
م ن ق و ل...
*الماسه* @almash_16
كبيرة محررات
يلزم عليك تسجيل الدخول أولًا لكتابة تعليق.
بداية بناية
•
لكن الواقع يقول إنها تنحف وهذا عن تجربتي الشخصية
الصفحة الأخيرة