ازواجنا و الضغوط .. ماذا نفعل؟ ( مايو)

السلام عليكم و رحمة الله و بركاته
اسفه يا بنات على انقطاعي .. و هذا راجع لانشغالي .. و ان شاء الله راح احاول اتواصل معكم من خلال هذا الموضوع .. و الله يقدرني على متابعته ..
لا يخفى عليكم مدى الضغوط التي يمر بها ازواجنا في الغربه امتحانات .. و بحوث .. هذا غير مسؤولياتهم العائليه .. و يمكن تستغربون لو اقولكم يمكن ضغوطهم اكثر من ضغوطنا .. فا ياما تكلمنا عن نفسياتنا و مشاكلنا و ياما بكينا من الغربه و ياما شكينا من شغل البيت و الحنين للوطن .. لكن ازواجنا .. هل يبكون ؟ هل يشكون؟ غالبا .. لا
لان الرجل تعود على كتم مشاعره .. فكيف تخففين عنه ؟ كيف تدخلين الفرحه الى قلبه؟ كيف تكسرين الجمود في منزلك .. و تجعلينه اكثر مرحا .. ؟
ياليت نتشارك بالافكار الهادفه .. السهله .. البسيطه الي ممكن لاي وحده مهمما كانت مسؤولياتها انها تطبقها .. لانريد تكلف .. لا نريد شي يستغرق وقت طويل لاتحضير .. نريد شي يتناسب مع ظروفنا في الغربه .. ليس بالضروره ان يكون شي لزوج فقط ممكن يكون شي للعائله ككل .. كيف ممكن ان تدخلي الفرح الى قلب عائلتك ؟ سؤال اطرحه على الجميع و ياليت الجميع يشاركني بالجواب




انا راح ابداء في نفسي و راح اقولكم .. شي بسيط اسويه لكن احس انه يدخل الفرح لقلب زوجي و بنتي معا ..
انتم عارفين طبعا اني عندي بي بي صغير .. فصايره بدل لا احكي لزوجي عن يومي بطريقه عاديه .. اجيبها بطريقه مرحه .. مثلا امسك ولدي و احطه على حجري و امسك يدينه و احركهم و اتكلم بصوت طفولي و اخلي ولدي كأنه هو الي يحكي لزوجي اش صار اليوم .. يعني مثلا .. ولدي يقول .. و طبعا كله بالاشارات ..

ماخيل يا بابا ايس صار اليوم ( يعني ما تتخيل ما بابا ايش صار اليوم ) اليوم انا و ما ما .. طلعنا مثل كل يوم .. و يوم حطتني ماما في الكار سيت .. قلت ياربيييييه الله يعيني .. الحين امي راح ترجني رجه و هي شايلتني بالكارسيت .. .. و فعلا شالتني امي و لاسي ( راسي ) صار يروح يميين و يسار يميين و يسار ( طبعا في هذا الوقت احرك راس ولدي يميين و يسار و المضحك ان ولدي يبدى يضحك لانه يحسب ابوه يلاعبه لانه يصير يضحك) المهم اكمل ..
بعد ما صدع لاسي من الكار سيت و اخيرا حطتني امي في العربيه و دخلنا المحل.. قلت الحمد لله .. الا و اسم هذيك الريحه يا باب الي رهييييييبه ليحه قهوه مررره حلوه كان ودي اقول لامي ابي رضعه قهوه .. بس ادري تبي تقول القهوه مو للصغار .. مع انها لو هي تجيبلي كابتشينو كان عادي كلها حليب ما فيها الا نقطه قهوه يعني ما تاثر .. على الاقل اصحصح بعد ها الخضه .. يا الله ما علينا .. صارت امي تدف العربيه .. و انا مستغرب .. ياربييييييه كل هذي لمبات في السقف حق المحل .. كان ودي اعد لمباتهم بس ما عندي اصابع قد عدد اللمبات .. بس تدري ايس كنت افكر فيه كنت اقول الله يعينهم على فاتورة الكهرب ما دريت الا ووقفت العربيه .. قلت ايه شوي و نمسي .. بس الشوي صار كثير و امي كل شوي تشيل بلوزه و تحطه و انا مستغرب .. بس يوم طولنا قلت اكيد انه في تخفيض على هذه الملابس .. و كل ما ترفع امي قطعه اقول يارب تحطه في العربيه و نمشي بس ما فيه فايده .. ترجع و تعقلها .. لين مليت .. قلت اصيح احسن .. و يوم بديت اصيح .. قالت امي خلاص خلاص .. يا الله مشينا .. قلت في قلبي ايه الحريم ما يجون الا بالعين الحمراء الخ الخ ..

معليش طولت عليكم .. بس هذا مثال بسيط .. من الاشياء الي اسويها .. و طبعا كل يوم قصه و مع الكلام بصوت طفولي و الحراكات تصير جدا معبره .. لدرجة ان زوجي صار لما يدخل البيت يقول لولدي .. هاه ايش صار اليوم .

يالله نبي حماس .. و اذا في بالكم فكره ممكن ما تكونون طبقتوها .. او يمكن يكون تطبقها صعب عليك .. قوليها عادي يمكن يكون تطبيقها سهل على احد ثاني ..
انتظركم
:angry: