بسم الله الرحمن الرحيم
نبدا بالمقادير واتمنى تجربونها يابنات والله اكثر من كلمة لذيذه وصلحتها اكثر من مره
2حبه بيض - حبه بصله صغيره - حبه طماطم صغيره - فص ثوم صغيره - واحد بيالة شاي زيت - نصف ملعقه صغيره فلفل اسود - ملعقه صغيره ملح - ملعقه صغيره بكنج باودر - 2فنجال قهوه حمص مطحون - نصف حزمه كزبره - ربع حزمه بقدونس- تخلط جميع المقادير في الخلاط ثم تصب في صينيه متوسطه مدهونه وتدخل في الفرن على نار متوسطه حتى تنضج من تحت وتحمر من اعلى ثم تقطع بشكل طولي وتحشى الصامولي طبعا ادهني الصامولي بمايونيز ثم شريحة الطعميه ثم السلطه وهي مكونه من بصل اخضر وملفوف وخس طبعا حسب الرغبه بامكانك تضعين ايضا شرائح بطاطس وباذنجان مقليه وبالعافيه واتمنى تجربونها وتعطوني رايكم فيها والي تسويها وتعرف تصور وتنزلها لها مني جزيل الشكر ---واللي بتسئل عن الحمص المطحون موجود عند المحامص اللي داخل جيان او العثيم 0
هذا كلام الاخت هنو الدلوعه
انا اش سويت ؟؟؟؟
حطيتها في قوالب الكوب كيك
وطلعت روعه لا تقطيع ولا شي وشوفو من جوا كيف هشه
وطعمها مثل المقلي تنفع الحين في رمضان بلا زيت بلا قلي
اخليكم مع الصور
ماشاء الله تبارك الله
شوفو من الجنب كانها مقليه
قدمتها مع طحينيه بالزبادي وبطاطس بالفرن لاني ماحب المقالي
سوري مو مرتب لاكن الاهم الفائده
الله الله بالردود السنعه ....اقلدكم
يعطيك الف عافيه يارب