][ماسه لؤلؤيه][ :

ماشاء الله البنات ماقصروا.. وزياده على السفره اللي بتجيبينها..هاتي السفره اللي بالمتر من ابو ريالين..لانك بتتعبين اذا خلصت السفره اللي جبتي وخذيلك شكلين خصصي وحده لإستخدامكم ووحده اذا جاكم احد عشان تكون نظيفه دايم وماتروح الوانها.. وبعد البجامات مثل ماقالوا البنات هاتي لك ولعيالك ولزوجك بتفيدكم مره اذا جاكم البرد واشتد.. واذا عندك آلة بروان الخاصه فيك هاتيها..وبعد آلة براون الرجاليه عشان تحلقون شعر عيالك وزوجك..لاني اعرف وحده عندها 3 اولاد ماشاء الله حلقوا لهم من مره وحده بقيمة 30 باوند(180ريال) وعقبها اشتروا آله الحلاقه من آرقوس ومعها عدتها بـ 24 باوند..اوفر بواجد.. حطي بشنطة كل واحد من عيالك وانتي وزوجك غطاء مخده خفيف وشرشف خفيف اذا انتي ماتقبلين شراشف الشقق(لانكم اكيد بتستاجرون اول يومين برا لين تلقون شقه) وتراها بتفيدك بعدين..الاحذيه ياقلبي خوذي لكل واحد جزمه عاديه وسعرها معقول+جزمه مريحه ومضمونه حتى لو كانت غاليه وعندك محل القرعاوي بيفيدك مرره فيه رجالي ونسائي ولعيالك واشكال والوان..بس قولي لهم ابي مره مريحه.. وهاتي رز يعني حول 5 كيلو او اكثر تكفيكم اول الفتره..لين تعرفون المكان+ واذا لك بهارات خاصه خوذي لان البهارات هنا يبيلها تدوير اذا لك ذوق خاص فيها.. والقهوه وعدتها والترامز ماقصروا البنات وضحوا لك..ولاتنسين بعد مكواة حتى لو تجيبين حقتك عادي..لاني ندمت اني ماجبت حقي واضطريت اشتري.. وهاتي معك اسفنجتين صغار للتنظيف وعلبة تايد الصغيره ام ريال وديتول الصغير عشان تنظفين المكان اللي بتزلين فيه اول يوم+الشقه اول ماتدخلينها <<جايبه معها ماتقبل ابد ابد:( وخوذي من ابو ريالين غطاء كرسي الحمام البلاستك اللي زي الكيسه لزوم المرافق العامه والحدائق الغير متوفر فيها..+ قفازات والاشياء اللي تحسين انك بتحتاجينها اول ماتوصلون الشقه مثل شامبو صغير..وبساكيت خفيفه او اي شيء عني انا جبت كيك اليمامه وشوية شوكلاتات ثقيله زي السنكرس تسد الجوع وتمشي الحال.. ولي عوده اذا ذكرت شيء..واعذريني جوابي ملخبط شوي عجزت اركز من بنتي الله يصلحها..وحاولت اجاوبك قد مااقدر وقياساً بنفسي وبعائله اعرفها عندهم 5 ماشاء الله واحس وضعكم قريب من وضعهم من ناحية الاولاد.. وربي يوفقكم وييسر اموركم ويكتب لكم اللي فيه الخير والصالح.. ماشاء الله البنات ماقصروا..

ماشاء الله البنات ماقصروا.. وزياده على السفره اللي بتجيبينها..هاتي السفره اللي بالمتر من ابو...

أم دحومي الحلو :

وياك يارب ولك بالمثل ترا كل ماذكرت شيء برجع أكتب تحملينا :) زيادة على كلام البنات بكتب أشياء للتذكير فقط .. رغم اني أدري انكم ماراح تنسونهم والأفضل اكتبي كل شيء في ورقة واشطبي على اللي تخلصينه الدراسة: شهادات العيال + شهادات التطعيم وكل الأوراق المهمة شهاداتك لو حبيتي تدرسين شيء .. ماتدرين يمكن تتسهل لك رغم ان الشغل بيكون مايحتاج .. الله يكون بالعون .. الحجابات: فصلي لك على الأقل ثلاث عبايات بالطرح والنقابات المناسبة نرجع للأشياء الشعبية مثل: مرة + كمون + زعفران + صفار الزعفران + قرصان المرقوق أنا مدمنة عليه وأستخدمه في أشياء كثيرة ولأنه يخرب برا الثلاجة صرت أطلعه من الفريزر في آخر لحظة قبل ما نروح للمطار وأحطه في كرتون وأكتب على الكرتون أرقامنا للضرورة لأن الكرتون فيه أشياء ثانية زي التمر مثلاً يعني هالأشياء أخليها معي في شحن الطيارة ما نشحنها من قبل وأول ما أوصل أحطها في الفريزر غالباً نكون ماخذين البيت قبل أو أحطها في فريزر الشقة المؤقتة لو يدخل زوجك ملتقى الطلاب السعوديين في بريطانيا .. صفحة كولشستر يمكن يلقى أحد يفزع معه في الأمور الأولى أو على الأقل تعرفون وجهتكم أو يعلمونكم المطاعم خصوصاً أول الوقت جيت برسل لك الرابط عالخاص بس انت ماحطيتي خدمة استقبال الرسائل وللأسف ممنوع أحط روابط لمنتديات ثانية فلو تفتحين الخدمة :)

وياك يارب ولك بالمثل ترا كل ماذكرت شيء برجع أكتب تحملينا :) زيادة على كلام البنات بكتب أشياء...

أسيرة الصمت mf :

أي والله ماقصروو بيض الله وجيهم ولاحرمهم من جناته يارب .. .. بس زين انك جيتي أنتي ولله الحمد تمنيت في أحد من كولشستر ^_^ .. حبيبتي الغاليه ودي أسألك عن أسعار المنازل عندهم(المنازل المفصولة) وكيف نستأجرها مفرووشه أو لا وكم المبلغ .. لو ثلاث غرف نووم ..وصاله ومطبخ (او اربع غرف) وانتي وش تنصحينني بكم غرفة (عددنا تسعة ما شاء الله ^_^ أربع بنات وثلاث أولاد وانا وزوجي)كم يكوون المبلغ .. تعرفين عيالي مشاء الله كثار .. وهل تكوون مأثثه او نأثثها زوجي دراسته في جامعة (اسكسس) في حي (ويفينهو) يعني من الافضل ان نسكن هناك ولا وين؟ عشان جامعته وقربها للمدارس. دراسة زوجي تبدأ تقريباً في 12/10/2009 متى يفضل ان نكون موجودين عشان ترتيب السكن واي امور اخرى؟ أهمممممممممم شي تكلفة السكن (مفروش/ او غير مفروش) حيث يعتمد حضورنا عليها ولا يخفى عليك اهمية السكن حيث انه مكان يشعر فيه الشخص بالراحة والاستقرار والامن (خصوصاً لاراحوا اولادي وزوجي للدراسة) كذلك كم سوف تكون التكلفة شهرياً (شاملة السكن والكهرباء والماء والغاز والمعيشة والمواصلات والمدرسة وطلعات ........الخ) هل من الممكن ان ادرس اللغة الانجليزية لديهم (مستواي مبتدى/ انا صفر باللغة الانجليزية) وعلى حساب من (زوجي مبتعث من عمله/ القوات المسلحة)، وماذا سافعل بطفلي (عمره شهرين في حينه والله اعلم) كذلك ياليت اعرف اجازاتهم المدرسية الرسمية وكذلك اجازات الجامعة ^_^ طولت عليك حبيبتي .. بس والله فرحت يووم عرفت انك من نفس المدينه .. واي معلومة اخرى تفيدنا يالييييييييييت تقولينها وجزاك الله كل خير يارب :26:

أي والله ماقصروو بيض الله وجيهم ولاحرمهم من جناته يارب .. .. بس زين انك جيتي أنتي ولله الحمد...