اسالكم بالله تشيرون علي بكل اخلاص

اخواتى انا بمشكله والوقت يمر بسرعه ولابد ان اتخذ قرار ...لانى ماعاد اقدر اتحمل وحتى لو حاولت مارح الاقي اللى يساعدنى.انا متزوجة وعندى اطفال مشكلتى بزوجى اللى مشاكل وياليتها مشاكل عادية مثل اى زوجين لكن وربى هلكنى باحتقارة واهاناته بكل لحظه ولاحظو بكل لحظه وثانية مو بكل ساعه او مشكله بكل يوم يتجسس على وانا بدورة المياة الله يكرمكن يرمى المناديل والدخان تحت الكنب لجل يكتشف المحقق كونان نظفت والا لا..عندى شغاله ممنوع منعا باتا تشتغل يبنى انا اشتغل وانظف وربى حتى بعد ما اكرف على وجى يقول ماسويتى شى هذى الشغاله ويقلى احلفى ويوم احلف يقولى ماصدقك كذااابه ..اذانمت هزئنى وقلب حياتى جحيم وانا صحيت جلس يراقبنى واذا نمت قبله قال وقحه تنام قبل زوجها واذا سهرت قال وش وراك سهرانه اكيد معاك مصيبه..اذا طالعت بالتلفزيون بقناه حذفها واذا ماحذفها ينكد على بتغييرها مع ان ماعاد يهمنى اى شى .اذا جلست بالكنبه اللى يجلس عليها يقوم يصارخ قومى من كنبتى .اذا مسكت الريموت قال ماشاءالله مسويه رجال ..ياخذ كرسى ويجلس يراقبنى وانا اطبخ لجل ماتدخل الشغاله وتساعدنى عاااااااادى قلت بتحمل .اذا طبخت صنفين قام الحرب مبذره واذا طبخت شوى قال مو من حق ابوم قومى اطبخى ثانى مره بنفس الوقت ..يحرض اولادى لجل يكرهونى ولا يساعدونى بالذات الاولاد يقول لاتساعدون حرمه عيب ..كان الحرمه ماهى امهم...حسبى الله ونعم الوكيل...وياويلى اعتبر على حد لفظه واعتذر للى تقرأ خبيثه لو طلب منى مثلا مويه وانا مشغوله وقلت لاحد من اولادى ناولها لبابا....الله يكرمكن لو ابى اروح دورة المياة بالليل وحنا نايمين احاول احبس نفسى لحد الصبح خايفه يقوم يراقبنى ويسوى مشكله انى كنت بسوى له مصيبه...طبعا لو نمرض اونموت يعتبر ماله دخل لا دكتور ولا دواء لانها مسئوليتى ومامرض الاولاد الا لانى مثل مايقول ام مهمله مع العلم وربى الشاهد ان مابقى وصفه ماجربتها على نفسى وعلى اولادى وكاننا عايشين بصحرا مافيها مستشفيات
انا اصرف عليهم وعلى بيتى الكل يقول وش تبين فيه بس نفسى اولادى يكون لهم اب وام ومانحرمهم من الحنان بس للاسف تاثر الجميع بهذا الحال ....جربت اكلم اهله لقيتهم اهم اللى يشجعونه ويشككونه بكل شى جربت ناس كثير مالقيت فايدة....حرمنى اخيرا من زيارة اهلى وكل اقاربى واقاربه ولاتلفون ولاجوال ولا اى وسيله اتصال بالعالم والله عالم كيف قدرت اكتب لكن هالطلب ...فانا ابى استشيركن ابقى معاه مع انه قال بعد كم شهر بخليك تبكين دم والا اشتكيه بالمحكمه وربى مامنعنى الاخوفى على اطفالى ياخذوهم وهو بهالحال غير السوى