مجربات وفاء الوهيب لإستقدام الخادمات تجااربكم بأمانه

السلام عليكم ورحمة الله وبركاته

ياحوائيات انا هالفتره متبهذله كثيره بنتي توها رضيعه شهرين وعندي بنت غيرها اكبر
وبيتي فله دورين كبير وعندي حوش وانتم شايفين ككيف جو الرياض عجججج يعني البيت انواع الوساخه لازم تنظيف بإستمرار
شغالتي حسبي الله عليها هربت تقريبا من 3 اسابيع
وانا الحين ضاااايعه مااقدر اهتم لبناتي واقوم بشغل البيت بنفسي
كلمت حبشيات مؤقتات بالشهر بالياله حصلت وحده ويوم جت وشافت البيت قالت ماابي اشتغل هنا بيت كبير شغل كبير وراحت!!!
وكانت براتب 1700 يعني مبلغ مو بسيط قهههههر اللي يشوفها يقولها جايبتها تشتغل ببلاش
كلمتني السمساره حقتهم وقالت لقيت لك وحده ب 1900 ورفضت لو بجيبها عندي 4 شهور خساير كثيره جدا هذا غير اللي بدفعه لها حق مشاوير اجازتها اللي يوم كل اسبوع روحه وجيه مصاريف تكسي لمنفوحه
وتخيلوا مايطبخون ولا يصحون بدري ولا حتى قلت لهم ينظفون الحوش مع ان حوشي متعععععب جدا كله وساخة فضلات الحمام الله يكرمكم يوقف على سور البيت ويوسخ بيتي :06:


المهم فكرت انقل كفالة خادمه قلت راح تكون تكاليفها ارخص من اني اجيب مؤقته لحد مااستقدم وتجيني بعد كم شهر
ودور زوجي مالقى شيء فضيييييييع تقولون لبن العصفور غير المبالغ الخياليه 18000 وفوق لنقل الكفاله وواحد يستهبل يقولنا 22000 وهي رايح من عقدها 8 شهور ولقينا وحده رفضت تجي تشتغل لانها ماتبي بيت فيه بزران طويلة العممر

وانا ابغى اندونيسيه لاني احسها هي اللي بتتحمل الشغل ببيتي احس السيلانيه او الكينيه او النيباليه او الاثيوبيه ماراح يتحملونه لانهم عجازات
والفلبينيات كرهتتتتتتتتهم من بعد خدامتي اللي هربت واصلا صاير مشاكل ومقفل التقديم عندهم



المهم برضو الاندونيسيات هالفتره التقديم من المكاتب مقفل وسمعت بوفاء الوهيب انها تجيب بسرعه وانها كويسه



يابنات انا قلت لكم المقدمه اللي قبل وحكيت لكم قصة حياتي إلا لأني ابي اي وحده تكتب تجربتها مع وفاء الوهيت تقدر معاناتي وتكتب التجربه بمصداقيه وبأمااااااااااانه
ماابي وحده من قرايبها ولا شيء يقول انا جربتها وهو اصلا بس يسوي دعايه لها
بأمااااااانتكم يابنات مين جربها للخادمه الاندونيسيه وكم جلست لحد ماجت وكيف الضمانات لو ماعجبتني الخدامه ولا صارت مريضه او رفضت العمل
انا قريت واحد بالنت سبها وقال انها مقدم نيباليه من عندها وانها تاخرت واخذت فلوسهم انا تخوفت كثييييييير وترددت من بعد ماكنت مقتنعه فيها
يابنات تكفووووووون تجاربكم

الله لايحطكم بمثل الموقف اللي انا فيه الحين وقسم بالله كرهت بيتي بسبب هالشيء

انتظركم حتى لو عندكم مكاتب موثوقه تقدر تجيب لي في مده قصيره خادمات ممتازات عطوني ارقامهم وأسمائهم
ولكل وحده تساعدني او ترفع الموضوع دعوه صادقه من قلبي
وحسبي الله ونعم الوكيل في كل خادمه جت للسعوديه وبهذلت اهل البيت وحطتهم بمشاكل وأصحاب المكاتب النصابين اللي لقوا المواطن مكينة فلوس يسحبون منه على كيفهم بسبب حاجة المواطن ولا حسيب ولا رقيب عليهم:mad: