قطرالندى والبنات ابي منكم خدمةيوفقكم ربي

حياك يالغلا
الاخت قطر الندى ماشاءالله عليها احلى من العسل ونقدر لها تعاونها وتحملها كثرة اسالتنا لها وربي يجزاها كل خير.
انا فتحت المحفظه بالاكتتاب اكتتبت في شركه قبل كم سنه والى الان احيان ادخل افيها واحيان كثيييييره اتركها
وهي اسهل طريقه لفتح المحفظه
وانصحك اكتتبي في اسهم مبااااحه حتى ربي يطرح لك البركه والقناعه في مالك

اولاً : اختي ضحاوي الله يجزاك خير على كلامك الحلو

وعسى الله يوفقني ويوفقكم لما فيه الخير للجميع

ثانيا : اختي سندريلا 44

البنوك زمان كان عليها زحمه فتطلب مبلغ على شان يفتحون لك محفظه

هالحين ما عندهم االا قليل يبون يفتحون محافظ

روحي افتحي محفظه واطلبي تداول عن طريق النت بدون رسوم

واذا انتي مبلغك جيد وبتتابعين السوق بشكل يومي وتبيعين وتشرين ( مضاربه يوميه )

فتحتاجين عرض اسعار اني يعني لحظه بلحظه تجيك الاسعار

اما اذا كنتي بتشترين وتصبرين يومين ثلاثه اسبوع فبدون برنامج متابعه

لانه برسوم سنويه او شهريه وتختلف اسعار البرامج

كل التوفيق يارب

الغاليةضحاوي ربي يسعدك ويجزاك خير على ردك -وانا الحمدلله ماككتبت الابالاسهم المباحة والحمدلله

اختي قطرالندى الله يجزاك خير على تعبك وردودك اسال الله ان يجزيك عن كل حرف تكتبيه توفيقا يلازم حياتك امين-ودي اسالك مع اني كثرتها عليك بس تحمليني لاني عديمة خبرة-انا عاطلة واصرف على عيالي وزوجي سجين ياليت تساعديني واللي عندهاخبرة ربي يسعدكم ******* الغالية-***لو عندي مئة الف وش تنصحيني فيه احطها كلها بالمحفظة --واتابعها مثل ماقلتي لحظه بلحظه او اشتري وانتظر؟وكيف اتعلم اخاف افتح واخسر لاني مثل ماقلت لك ماعندي ادنى فكرةابد..... ونسيت اقولك اني مو دايم على النت احس صعب علي بتابع يوميا ماقدر اطفال ومسوؤليات الله يعين بس -انصحيني اختي -ودي احسن وضعي ابي احرك فلوسي قبل اصرفها على عيالي 0وشرايك باللي ماتعرف شي بالاسهم هل تنصحيها تدخل ولا تكون مخاطرة-اعذريني كثرة وطولت عليك-بس والله يوم شفت كلامك وردودك للبنات كاني لقيت وميض امل -لاني من زمان اسمع العالم تتاجر بلاسهم وتربح وانا دايما اظل حائرة

الله يرزقك ويفتحلك ابواب الرزق الحلال

اول شي حبيبتي حطي ببالك ان المئة الف ممكن تنقص مثل ما ممكن تزيد حسب تعاملك مع السوق وصبرك وترا الصبر نصف المكسب اذا مستخيره ومقرره تدخلين سوق الاسهم اختاري شركات عوائد ومثل شركات الاسمنت وجاتها حركه حلوه من فتره ولازالت مستمره بسبب امر خادم الحرمين الشرفين باستيرلد الاسمنت وماشاء الله ارتفعت بشكل ممتاز واضيفي انها توزع ارباح الشركات القديمه والكبيره مثل اسمنت ينبع والعربيه والسعوديه توزع ما يقارب 7 ريال للسهم يعني توزيعها مجزي صراحه وعندك شركات مثل الجبس التصنيع والمتقدمه وطيبه ومكه كلها توزع ارباح ليش انصحك باللي توزع ارباح لان حنا في سوق مال اي شي ممكن ياثر عليه فتنزل اسعار الاسهم وممكن انت شريتي السهم ب50 وينزل ل40 بكذا الارباح اللي تجيك تعوضك وكمان راح يكون للسهم ارتداد لاسعار القمم اللي سجلها سابقا وبتربحين من جهتين ان شاء الله انا عطيتك امثله للاسهم وانتي ابحثي وشوفي اللي يناسبك على فكره كل الاسهم اللي قلت لك عليها الدوله متملكه فيها نسبه معينه وهذا يعطي نوع من الاطمئنان واذا حابه تضاربي وتستثمري فخذي 20 الف فقط للمضاربه وال80 الف حطيها بشركة عوائد مضمونه وربي يبارك لك في مالك ويوسع رزقك ويفك اسر زوجك عاجلا غير اجل اسفه ع الاطاله دعوااااااتك