احباط شديد يااارب رحمتك

حامل بالشهر الثاني والوحام سود عيشتي بمعنى الكلمه..
يابنات حملي الاول كان الوحام غثيان خفيف ونوم فقط
اما الحين غثيان شديد وطول الوقت حرانه ومعرقه ودااااايخه
حتى مافيني اجامل زوجي بكلمه ولا حتى العب مع طفلي
طول اليوم منسدحه وماسكه راسي..
لي اسبوع استخدم حبوب نافيدوكسين والحمدلله تخفف الغثيان
الى حد معقول بس باقي الاعراض؟؟؟؟ وانتم بكرامه حتى الحمام
صعب اقوم واروح له احس الدنيا تدور فيني وتسود عيوني ماشوف
شي...
مو هنا المشكله.. المشكله الاعظم والادهى والامر اني ادرس بالجامعه
وهذي السنه اخر سنه لي يعني خريجه وماني عارفه كيف بقدر
اقوم الصبح وادوام واحضر محاضراتي واتابع دراستي واركز وانا
بهالوضع!!
وفوق هذا كله زوجي مايقدر وضعي والله العظيم اني ابكي اليوم
قدامه من الآلام الي فيني بالذات الام اسفل بطني واقوله وديني
مستوصف بس ابي يعطوني مسكن يقول مقدر بودي سيارتي
للتصليح!!!!! قلت له سيارتك اهم من صحتي وانا ابكي موجوعه يقول ايه
سيارتي مهمه!!!!
فيني احباط من كل شي حولي كيف بتعدي هالايام وهالسنه لي بالجامعه
وكيف اخلي زوجي يهتم فيني ويحن علي وولدي كاسر خاطري ماله ذنب
حتى مقدر ابتسم بوجهه..
يارب رحمتك اذكروني ولو بدعوه..